Zarafshon vohasining yosh ijodkorlari davrasida

Tojikistonning Zarafshon vohasi nafaqat go’zal tabiati, sho’shqin daryosi, uzoq tarixi balki shoirtabiat insonlari bilan ham ardoqlidir. O’zbekning barlos, tuyoqli, laqay, ming urug’lari hali ham bu hududda o’z qadr-qiymatlarini saqlab kelmoqda. Panjakent nohiyasining Sho’rnova, Yamonqiya, Chinor, So’jina, Toshmunor, Sarazm singari qadim qishloqlarida asosan o’zbeklar yashaydi. Bu zaminda Abu Abdulloh Ro’dakiy, Loyiq Sherali, Kamol Nasrulloh, Sherali Sokin, Sorbon singari ulug' adiblar tug’ilib o’sgan. Hozir ham jamoatchilik chaqmoq singari yashnayotgan ijodkorlarni hurmat bilan qarshilaydi. She’rxonlik kechalari doimiy hol. Ushbu suratlar shu tadbirlarni aks ettiradi.