Kuba bilan munosabatlarni tiklayotgan Qo'shma Shtatlar sayohat, tijorat va sarmoyaga oid bir qator cheklovlarni bekor qildi. Rasmiylarning aytishicha, qaror kubaliklar hayotida ijobiy o'zgarishlar yasaydi.
Amerika kompaniyalari so'nggi yarim asrda ilk bor Kubada idora ochib, ishchi yollashi, orolga cheklanmagan miqdorda mablag' olib kirishi mumkin.
Qaror 21-sentabrdan kuchga kiradi. Axborot agentliklari, ta'limiy va diniy tashkilotlar hamda aloqa kompaniyalari Kubada ish boshlashi kutilmoqda. Ikki davlat orasida yo'lovchi va yuk kemalari qatnovi yo'lga qo'yiladi. Kubalik-amerikaliklarga oroldagi qarindoshlarini borib ko'rishga ham ruxsat bor.
Ammo sayyohlik hozircha keng jamoatchilik uchun ochiq emas. Hozircha faqat mMuayyan kategoriyadagi, hukumatdan ruxsat olgan amerikaliklar Kubaga safar qilishi mumkin.
Kelasi yil boshida AQSh va Kuba o'rtasida samolyotlar qatnovini boshlash ham rejada. Har ikki davlatda elchixonalar allaqachon ishga tushgan.
