Yamanda al-Qoidaga qarshi olib borilgan havo hujumlarida hukumat tarafdori bo’lmish qabila yetakchilari o’ldirilgan.
Harbiylar xato qilganini tan olib, kechirim so’ramoqda. Kamida sakkiz kishi halok bo’lgan.
Voqea Abyan viloyati ma’muriy markazi Zinjibarda ro’y bergan. Bu hudud terror o’chog’i sanaladi.
Bu orada ekstremist guruhlar bilan olishuvda besh askar va besh jangari o’lgan.
Yaman janubida ko’plab qishloq va shaharchalarni al-Qoida bilan hamkor jangari kuchlar egallab olgan.
Yamanda hukumat unga qarshi namoyishlarni tinchitish bilan ovora bo’lib, terroristlarni ko’zdan qochirdi, deydi tahlilchilar.
G’arb davlatlari nazarida Yaman bugunga kelib radikal to’dalar to’plangan joy.
