Learning English
VOA
site logo site logo
Oldingi Keyingi
Breaking News
Madaniyat

Yulduz Usmonova Nyu-Yorkda vatan madhini kuyladi

Yulduz Usmonova Nyu-Yorkda konsert berdi/Yulduz Usmanova performs in NYC
Embed
Yulduz Usmonova Nyu-Yorkda konsert berdi/Yulduz Usmanova performs in NYC

No media source currently available

0:00 0:10:50 0:00
Yuklab oling

Yulduz Usmonova Nyu-Yorkda konsert berdi/Yulduz Usmanova performs in NYC

Yulduz Usmonova shubhasiz O'zbekistonning eng yorqin va xushovoz yulduzi. Bu ovoz dunyoning ko'plab mamlakatlarida yangragan va yangrab kelmoqda.

Yulduz Usmonova Amerikada oldin ham konsert bergan. Vatan sog’inchi bilan yashayotgan o’zbekistonliklar va o’zbek musiqasi shinavandalari bu safargi dasturni ham kuchli hayajon bilan kutib oldi.

Yulduz Usmonova – qayerda yashamasin har bir o’zbekning faxri, qo’shiqlarida xalq dardi va ichki hissiyotlarini ifoda eta oladi, vatanparvarlik uning ehtirosli, qudratli ovozida mujassam…

NI Yulduz in New York
Embed
NI Yulduz in New York
by Amerika Ovozi

No media source currently available

0:00 0:09:34 0:00
Yuklab oling

Yulduz Usmonova ko’nglidagini, gapning po’skallasini ochiq aytadigan inson. Jahongashta yulduz bilan yuzma-yuz suhbatlashish oson emas, albatta, lekin bu imkoniyatga ega bo’lganingizda, uning qanchalik kamtarin ekani dilni yorishtiradi.

Yoshi ellikka yaqinlashgan, 30 yildan beri yulduzlar orasida yulduz bo’lib kelayotgan hofiz konsertdan to’rt soat oldin uchib kelganiga qaramay jonli ovoz bilan kuyladi, maza qilib raqsga tushdi, vatandoshlar bilan qisqa bo’lsa-da gaplashdi, odamlarning duosini oldi.

Bunday dasturlar berish uchun iste’dodning o’zi yetadimi, deya so’raymiz konsert tugab endigina nafasini rostlayotgan Yulduz Usmonovadan:

O'zbekiston xalq artisti Yulduz Usmonova Nyu-Yorkda konsertdan keyin "Amerika Ovozi" bilan suhbatlashdi, 19-may, 2013
O'zbekiston xalq artisti Yulduz Usmonova Nyu-Yorkda konsertdan keyin "Amerika Ovozi" bilan suhbatlashdi, 19-may, 2013
"Masalliq bo'lib, oshpaz bo'lmasa, masalliq achiydi. Kimdir pishirishi kerakku uni. Shuning uchun san'atkorda g'ayratam bo'lishi kerak, mehnatkashligam bo'lishi kerak. Men o'ylaymanki, qo'liga mikrofon olib ashula aytganning hammasi ham san'atkor emas. Xalqning dardini kuylagan san'atkor".

Amerika muxlisining o'ziga xos taraflari bor, deydi yulduz.

"Amerikaga kelganda bir o'zini yo'qotib olishadi... Hammayoqdan kelgan-ku bu yerga. Man amerikalikman deyolmaydi. Sizlarning hammangizni amerikalik qilib qo'ygan bu yerda davlat, pasport berib. O'zbek kechasi yoki konsert bo'lganida yig'ib olish osonmas. Bugun ko'rdingiz zal to'la. Lekin har doim ham shunday bo'lavermaydi, mening bilishim bo'yicha. Bir xil paytda voy falonchining konsertiga odam kelmabdi, deyishadi. Uyam noto'g'ri narsa. Organizatorlar bir ulguradi, bir ulgurmaydi. San'atkorning hamma joyda muxlisi bor, hamma san'atkorning ham".

Chetda yurgan o'zbekistonliklar vatanni o'ylaydi, deydi xonanda.

"Vatan uchun nimadir qilish kerak... Mana shu yerda yurgan o'zbeklar vatan uchun bir narsa qilayapti. Olma pish, og'zimga tush deb o'tirgani yo'q. Hammasi ishlayapti, qo'ldan kelgan yordamini qilayapti. Qachon 3-4 so'm oylik chiqsa, o'shanda qatiq-non yeymiz deb o'tirgani yo'q... Bu xalq vatan uchun harakat qilgan xalq. Shuning uchun yurt tashqarisida yurganlarning "vatanim" deyishga haqqi bor".

Eski qo’shiqlarini ham, yangi qo’shiqlarini ham tinmay tinglab,Yulduz Usmonova qachon qayerda yana konsert beradi deb so’rayotgan yurtdoshlar, millionlab muxlislarga uning ezgu tilaklari bisyor.

"Nyu-Yorkdan turib hammaga birinchidan sog'liq-salomatlik tilayman. O'zlarini ehtiyot qilishsin... Hali aytganimdek, odamlar o'ziga o'zi ertak yozadi. O'zini o'zi siqadi. Aslida inson qorniga emas, qimmatiga yig'laydi. O'zbekistonda yashab yursam bo'lardi-ku endi bunaqada, deydi. Lekin chiqishni xohlab chiqqan har bitta odam, vatandan chiqqanda. Shuning uchun, man aytamanki, hamma qilgan ishi, har bir bosgan qadamiga shukur qilib, yana hayotda davom etishsin. Eng keragi shu... Har bir daqiqadan lazzat olish kerak. Har bitta onga biz shukur qilishimiz kerak".

El aro va ellar aro shuhrat qozonish, uni saqlab turish, xalqdan rahmat olish qattiq mehnat, tirishqoqlik, o’zingizga nisbatan va muxlislarga nisbatan sodiqlik, kuchli iroda talab qiladi.

O’z faoliyati davomida ko’plab o’nqir-cho’nqir yo’llarni bosib o’tgan, ba’zan qoqilgan, ba’zan charaqlab ko’zni qamashtirgan xonanda uchun eng bebaho narsa bu uning O’zbekistoni, ona zamin va uni mana shunday mashhur yulduzga aylantirgan xalq. Buning isboti esa uning o’lmas, unutilmas qo’shiqlarida…
  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

Back to top
XS
SM
MD
LG