2006 yilda rossiyalik taniqli jurnalist Anna Politkovskaya, o’tgan yilning kuzida esa qirg’izistonlik journalist, “Amerika Ovozi” muxbiri Alisher Soipov o’ldirib ketilgan edi. Har ikki jinoyatni tergov qilish jarayoni ustidan turli shikoyat va e’tirozlar bor.
2007 yil
kuzida O’shda otib ketilgan Alisher Soipov o’limini tergov qilish jarayoni
hamon natija bermagan. Uning otasi Avaz Soipovning aytishicha, tergovchilar
muhim dalil-ashyolarni yo’q qilgan.
Ota Qirg’iziston prezidenti Qurmanbek Bakiyevga maktub
yo’llab, O’zbekiston Milliy Xavfsizlik Xizmatini tergov jarayoniga
aralashganlikda, O’sh shahri hokimining idorasini tekshirganlikda gumon qilgan.
Avaz Soipovning “Amerika Ovozi”ga ma’lum qilishicha, tergovchilar u taqdim
etgan ashyolarni inobatga olmagan va e’tiborsizlik tufayli dalillarni qo’ldan
boy bergan.
“Tergovchilar o’g’limning buyumlari, jumladan, ofisdagi
hujjat va kompyuterlarini olib, keyinchalik ularning hammasini qaytarmagan”,-
deydi Avaz Soipov. Ayrimlari esa butunlay g’oyib bo’lgan. Jurnalistning
kompyuteri buzib tashlangan.
Qirg’iziston Ichki ishlar vazirligi rasmiylarining “Amerika
Ovozi”ga aytishicha, vazir Moldomusa Kongantiyev qotillikni fosh qilish uchun
faol choralar ko’rmoqda. Prezident Bakiyev Alisher Soipovning o’limini tergov
qilish jarayonini shaxsan kuzatishga va’da bergan.
Rossiya prokuraturasi Anna Politkovskayaning o’limida 3 kishini aybdor deb topgan. Bular - Checheniston fuqarolari Sergey Xojiqurbonov, Jabroil va Ibrohim Mahmudov.
Federal Xavfsizlik Xizmati sobiq xodimi Pavel Ryaguzov mansabni suiste’mol qilganlikda ayblangan. Shu tariqa Politkovskayaning ishi yopilgan.
Biroq “Novaya Gazeta” muharriri Sergey Sokolovning “Amerika Ovozi”ga aytishicha, tergovchilar asosiy ayblanuvchi Rustam Mahmudovni qo’ldan chiqargan.
Rossiya Federal Xafvsizlik Xizmati va Moskva shahar sudi ko’p gap-so’z qilmasligi kerak edi. Shunda maxfiy ma’lumot odamlarning qulog’iga yetib bormagan, jinoyatchi juftakni rostlamagan bo’lar edi deydi Politkovskayaning hamkasbi Sergey Sokolov.
Jinoyatni kim buyurtigani ham noma’lum. Checheniston
haqidagi lavhalari bilan tanilgan, Kremlni muntazam tanqid qilib kelgan
Politkovskaya 2006 yil oktyabrida Moskvada otib ketilgan.