5-fevral kuni Afg’onistonning Nuriston viloyatidagi olis bir qishloq qor ko’chkisi ostida qolgan. Kamida 50 odam o’lgani aytilmoqda.
Shu payt qo’shni hududda, Pokistonga qarashli Chitral viloyatida ham qor ko’chkisi yuz berib, kamida 16 odamning hayotiga zomin bo’lgan.
Rasmiylarning aytishicha, Afg’onistondagi 34 viloyatning 22 tasida haddan ziyod ko’p qor yog’ishi bilan bog’liq o’lim holatlari yuz bergan.
Mamlakat bo’ylab qor ko’chkisidan o’lganlar soni jami 100 ga yaqin. Yaradorlar esa yanada ko’p. Mol-mulklarga ham zarar yetgan.
Ko’p qor yog’ishi natijasida yo’llar yopilib, qatnov qiyinlashgani bois hukumat yakshanbani dam olish kuni deb e’lon qildi. Bu kun Afg’onistonda, odatda, ish kuni sanaladi.