Yevropa Ittifoqi rahbarlari Bryusselda ko'rishar ekan, Rossiyaga qo'yilgan iqtisodiy sanksiyalarni bekor qilmoqchi emas.
Avval Ukraina sharqida o'tgan oy erishilgan sulh butunlay kuchga kirishi kerak, deydi ular.
Yevropa Ittifoqi Prezidenti Donald Tusk payshanba kuni shunday bayonot berdi.
28 davlat a'zo ittifoq Moskvani siquvga olishda, Ukraidagi ayirmachilarni qo'llab-quvvatlashni bas qilishni talab etishda davom etadi.
11 oydan beri tinmayotgan mojaro shu paytgacha olti mingdan oshiq odamni hayotdan olib ketgan.
Moskva isyonchilarga bevosita yordam berayotganini rad etadi.
Rossiya Tashqi ishlar vaziri Sergey Lavrov esa AQShni Ukraina sharqidagi sulhni buzayotganlikda ayblamoqda. Lavrov Qo'shma Shtatlar Ukraina armiyasiga harbiy yordam masalasini ko'rib chiqayotganiga ishora qiladi.
Your browser doesn’t support HTML5
Rossiyaga qarshi yangi sanksiyalar