Iroq shimolidagi Irbil shahrida Amerika konsulligi yonida mashina portlagan. Hujumni "Islomiy davlat" to'dasi amalga oshirganini aytmoqda.
Kamida uch odam o'lgan, yana besh kishi jarohatlangan. AQSh Davlat departamentining bildirishicha, Amerika fuqarolariga ziyon yetmagan.
Portlash bilan bir paytda otishma ham eshitilgan. Kurdiston mintaqasining poytaxti Irbilda bu - kamdan kam uchraydigan holat.
Mashina konsullik binosi yonida kelib to'xtagani, soqchilar o't ochganidan keyin haydovchi o'zini portlatgani aytiladi.
Bu orada, "Islomiy davlat" jangari to'dasi Iroqdagi yana bir shaharni egallash arafasida.
Mudofaa vazirligi Ramadi yaqinida jangarilarning manzillari bombardimon qilinayotgani tasvirlangan videoni e'lon qilgan. Lekin bu amaliyot Ramadi yaqinida uch qishloq jangarilarning qo'liga tushishiga to'sqinlik qila olmagan.
Iroq rasmiylarning aytishicha, jangarilar bostirib kelar ekan, minglab oilalar Anbar viloyati poytaxti Ramadini tark etgan.
Your browser doesn’t support HTML5
"Islomiy davlat" faqat jangchi yollayotgani yo'q
Your browser doesn’t support HTML5
Iroq va Suriya madaniy merosidan ayrilmoqda