NATO oliy qo'mondoni, havo kuchlari generali Filip Bridlav deydiki, Rossiya dunyo bo'ylab AQSh manfaatlariga tahdid solmoqda. U bu haqda Vashingtonda Senat Qurolli kuchlar qo'mitasida gapirdi.
NATO qo'mondoni Yaqin Sharqdan Yevropaga kelayotgan qochoqlar inqirozi haqida ham to'xtaldi. Uning aytishicha, Rossiya va uning ittifoqchisi Suriya Yevropaning qat'iyatini zaiflashtirish uchun migratsiyadan qurol sifatida foydalanmoqda.
Qochoqlar orasida jinoyatchilar, terrorchi va xorijlik jangarilar bor, dedi general.
Denver universiteti tahlilchisi Jonatan Edelmenga ko'ra, Rossiyaning yevropalik qo'shnilariga solayotgan tahdidi haqiqiy.