AQSh davlat kotibi Jon Kerri Shimoliy Koreya bilan Koreya yarimorolidagi tarang vaziyatni hal qilishni taklif etmoqda.
"Agar Pxenyan xalqaro majburiyatlarini bajarishga kirishsa, AQSh u bilan hamkorlik qilishga tayyor", - dedi Kerri.
Davlat kotibi bu haqda bugun Tokioda Yaponiya tashqi ishlar vaziri Fumio Kishida bilan o’tgan matbuot anjumanida so’zlagan.
Uning aytishicha, agar mintaqada vaziyat izdan chiqgudek bo’lsa, Qo’shma Shtatlar Yaponiya kabi ittifoqchilarini mudofaa qilishga shay. Pxenyan so’nggi haftalarda Yaponiya va Janubiy Koreyaga hujum qilishi mumkinligi haqida bir necha bor aytgan.
Shimoliy Koreya AQSh-Janubiy Koreya qo’shma harbiy mashqlari va unga qarshi qo’yilgan xalqaro sanksiyalarga shu tariqa javob bermoqchi. Har ehtimolga qarshi Tokio mudofaasi uchun chora ko’rilgan.
Ertaga Kerri Yaponiya bosh vaziri Shinzo Abe bilan uchrashadi. Kecha AQSh davlat kotibi Xitoyda ham bo’lib, yarimorolni yadrodan xoli zonaga aylantirish xususida gaplashgan.
"Agar Pxenyan xalqaro majburiyatlarini bajarishga kirishsa, AQSh u bilan hamkorlik qilishga tayyor", - dedi Kerri.
Davlat kotibi bu haqda bugun Tokioda Yaponiya tashqi ishlar vaziri Fumio Kishida bilan o’tgan matbuot anjumanida so’zlagan.
Uning aytishicha, agar mintaqada vaziyat izdan chiqgudek bo’lsa, Qo’shma Shtatlar Yaponiya kabi ittifoqchilarini mudofaa qilishga shay. Pxenyan so’nggi haftalarda Yaponiya va Janubiy Koreyaga hujum qilishi mumkinligi haqida bir necha bor aytgan.
Shimoliy Koreya AQSh-Janubiy Koreya qo’shma harbiy mashqlari va unga qarshi qo’yilgan xalqaro sanksiyalarga shu tariqa javob bermoqchi. Har ehtimolga qarshi Tokio mudofaasi uchun chora ko’rilgan.
Ertaga Kerri Yaponiya bosh vaziri Shinzo Abe bilan uchrashadi. Kecha AQSh davlat kotibi Xitoyda ham bo’lib, yarimorolni yadrodan xoli zonaga aylantirish xususida gaplashgan.