Rossiya harbiy qudratini oshirishga shay

Mudofaa vaziri muovini Vladimir Popovkinning aytishicha, 2020 yilga qadar Rossiya harbiy uskuna-jihozlar uchun 650 milliard dollar sarflaydi.

Rejaga ko’ra, shu yildayoq qo’shimcha sakkiz dona atom suvosti kemasi xarid qilinadi.

600 dona samolyot, mingta vertolyot va 100 ga yaqin harbiy kemalar olinadi.

Rossiya rasmiylarining xavotiri shuki, qurolli kuchlar zamonaviy xavf-xatarga tayyor emas.

Bu orada Kreml Eronga qurol-aslaha sotish haqida o'ylanmoqda.

BMT sanksiyasiga ko’ra, Tehronga o’q-dori va qurol uchun zarur modda sotish taqiqlanadi.

Lekin Rossiya federal harbiy-texnikaviy hamkorlik xizmati rahbari Mixail Dmitriyev deydiki, sanksiya ayrim jihatlarni tilga olmaydi, demak, istisno bor.

Ikki davlat harbiy hamkorlik ehtimoli haqida muloqotda.

Rossiya Eronga S-300 rusumli raketa tizimi sotishni ko’zlagan edi. Lekin BMT taqiqi bois fikridan qaytgan.

G’arb davlatlari Eronni ommaviy qirg’in quroli ustida ishlayotganlikda ayblab keladi. Tehron yadroviy izlanishlari tinch, ilmiy maqsadlarni ko’zlashini ta’kidlaydi.