Jenevada Suriya muxolifati va hukumat o’rtasida muzokaralarning navbatdagi davrasi bugun tugaydi. Hal qiluvchi masalalarda kelishuvga erishilmadi.
Taraflar bir haftadan keyin yana ko’rishishi kutilayapti.
BMT va Arab Ligasi elchisi Laxdar Braximiy muzokaralar endi boshlanganini aytib, kelasi muhokamalar sermahsul bo’lishidan umidvor.
Bashar al-Assad hukumati terrorizm muammosiga diqqatni qaratmoqchi. Rasmiylar kecha terrorchilar faoliyatini tugatish haqidagi rezolyutsiya bilan chiqqan.
Oppozitsiya bu hujjatni biryoqlama deb rad etadi va avval vaqtli hukumatni tuzish haqida gaplashish kerak, deydi. Hukumat nazarida muxolifat jangarilardan iborat bo’lgani uchun ham terrorizmga doir rezolyutsiyani inkor etayapti.
Suriyaning urushdan eng qattiq jabr ko’rgan hududlariga insonparvarlik yordami eltish haqida hali bir to’xtamga kelinmagan. Braximiy, ayniqsa, odamlar och-naxor yashayotgan Hims shahriga hali yordam yetib bormaganidan afsusda.
Amerikalik tahlilchi Stiven Zunsning “Amerika Ovozi”ga aytishicha, Suriya borasida jinday ijobiy yechimga erishilsa ham katta gap. Yechimning boshlanishi bu, deydi u.
Mojaro 2011 yilning martida tinch namoyishlar bilan boshlanib, tez orada urushga aylandi. BMTning hisobiga ko’ra, ixtilof 100 mingdan ziyod odamni o’ldirgan.
Taraflar bir haftadan keyin yana ko’rishishi kutilayapti.
BMT va Arab Ligasi elchisi Laxdar Braximiy muzokaralar endi boshlanganini aytib, kelasi muhokamalar sermahsul bo’lishidan umidvor.
Bashar al-Assad hukumati terrorizm muammosiga diqqatni qaratmoqchi. Rasmiylar kecha terrorchilar faoliyatini tugatish haqidagi rezolyutsiya bilan chiqqan.
Oppozitsiya bu hujjatni biryoqlama deb rad etadi va avval vaqtli hukumatni tuzish haqida gaplashish kerak, deydi. Hukumat nazarida muxolifat jangarilardan iborat bo’lgani uchun ham terrorizmga doir rezolyutsiyani inkor etayapti.
Suriyaning urushdan eng qattiq jabr ko’rgan hududlariga insonparvarlik yordami eltish haqida hali bir to’xtamga kelinmagan. Braximiy, ayniqsa, odamlar och-naxor yashayotgan Hims shahriga hali yordam yetib bormaganidan afsusda.
Amerikalik tahlilchi Stiven Zunsning “Amerika Ovozi”ga aytishicha, Suriya borasida jinday ijobiy yechimga erishilsa ham katta gap. Yechimning boshlanishi bu, deydi u.
Mojaro 2011 yilning martida tinch namoyishlar bilan boshlanib, tez orada urushga aylandi. BMTning hisobiga ko’ra, ixtilof 100 mingdan ziyod odamni o’ldirgan.
Suriya, urush
Suriya
Shveysariyada Bashar al-Assad tarafdorlari namoyishi.