Vyetnamda Shimoliy Koreya rahbari Kim Chen Un bilan uchrashayotgan Prezident Donald Tramp deydiki, agar Pxenyan istasa, porloq kelajagini ta'minlay oladi. Yadroviy maqsadlaridan voz kechishi kerak, deydi Tramp.
Amerika prezidenti nazarida, Shimoliy Koreya bugun tinch va farovon yashayotgan Vyetnamdan saboq olishi lozim.
"Do'stim Kim Chen Un bilishi kerakki, istiqbol uning qo'lida. Ajoyib kelajak qura oladi", - deya tvit qildi Tramp bugun ertalab.
Vietnam is thriving like few places on earth. North Korea would be the same, and very quickly, if it would denuclearize. The potential is AWESOME, a great opportunity, like almost none other in history, for my friend Kim Jong Un. We will know fairly soon - Very Interesting!
— Donald J. Trump (@realDonaldTrump) February 27, 2019
Atom qurollari emas, iqtisodiy taraqqiyot tomon harakat qilib rivojlanish murakkab yo'l, deydi prezident. Uning fikricha, Xitoy, Rossiya, Yaponiya va Janubiy Koreya bu jarayonda ulkan yordam ko'rsata oladi. Aynan shu davlatlar AQSh bilan hamkorlikda Pxenyan bilan til topishishga uringan.
All false reporting (guessing) on my intentions with respect to North Korea. Kim Jong Un and I will try very hard to work something out on Denuclearization & then making North Korea an Economic Powerhouse. I believe that China, Russia, Japan & South Korea will be very helpful!
— Donald J. Trump (@realDonaldTrump) February 27, 2019
27-fevral kuni AQSh va Shimoliy Koreya rahbarlari kechki ovqatni birga yeb, tashqi ishlar vazirlari va yaqin maslahatchilari ishtirokida norasmiy tarzda muloqotda. Rasmiy uchrashuv va muzokara esa 28-fevral kuniga rejalangan.
Tashrifga otlanar ekan, Tramp Pxenyanni yadroviy dasturidan voz kechishga ko'ndira olishiga ishonch bildirdi.
Tramp nazarida Shimoliy Koreya bu qarorni qilmasa, hech narsa o'zgarmaydi. Lekin, deydi u, bu davlat rahbari o'zi uchun va xalqi ravnaqi uchun to'g'ri yo'lni tanlashga qodir odam.
Prezidentning tasavvur qilishicha, ikki yarim kun davom etadigan muloqot Kim Chen Unni o'zgartirib, uning qarash va maqsadlarini yangilab, olamshumul yangilikka yetaklashi mumkin. AQSh bu noyob imkoniyatdan albatta foydalanib qoladi, deydi Tramp.
Meeting for breakfast with our Nation’s Governors - then off to Vietnam for a very important Summit with Kim Jong Un. With complete Denuclearization, North Korea will rapidly become an Economic Powerhouse. Without it, just more of the same. Chairman Kim will make a wise decision!
— Donald J. Trump (@realDonaldTrump) February 25, 2019
Hanoy, 27-fevral, 2019
Birinchi uchrashuv o'tgan yilning iyun oyida Singapurda o'tgan edi. O'shanda Tramp Shimoliy Koreyadan endi hech qanday yadvroy xavf yo'q, deya qayd etgan edi.
Biroq hozirgacha Pxenyan atom qurollaridan Tramp aytgandek voz kechishi uchun biror konkret qadam tashlagani yo'q.
AQSh Davlat kotibi Mayk Pompeoning ta'kidlashicha, progress bo'lmagani sabab ham Pxenyan hamon sanksiyalar ostida.
Pompeo deydiki, Shimoliy Koreya oldida ikki yo'l: biri hozirgisi - qashshoqlik va yakkalanish hamda yadroviy qurollar; ikkinchisi esa xalqaro maydonda hurmat va qo'shni Janubiy Koreya singari iqtisodiy jihatdan mustahkam tuzumga aylanish. AQSh unga ikkinchi yo'lni taklif qilmoqda, deydi Pompeo.
Tramp Kim Chen Unni do'st deb, u bilan muloqotdan buyuk natijalar kutayotganini aytsa, Pompeo oldinda og'ir vazifalar turibdi, deydi.
President Xi of China has been very helpful in his support of my meeting with Kim Jong Un. The last thing China wants are large scale nuclear weapons right next door. Sanctions placed on the border by China and Russia have been very helpful. Great relationship with Chairman Kim!
— Donald J. Trump (@realDonaldTrump) February 24, 2019
AQSh razvedkasi Pxenning harakatlariga shubha bilan qarab, Kim biror jihatdan o'zgarmoqchi emas, deya xulosa qilmoqda. Maxfiy xizmatlar to'plagan ma'lumotlar shundan darak beradiki, Shimoliy Koreya asosan e'tibor uchun intilmoqda, siyosiy burilishga tayyor emas.
AQSh razvedkasi rahbari Den Koutsning Kongressga hisobot berishicha, Shimoliy Koreya o'tgan bir yil ichida yadroviy sinovlar o'tkazgani haqida isbot-dalil yo'q. Biror, deydi u, atom qurollaridan voz kechmoqchi emasligini ham isbotlab turibdi. Bu qurollar Pxenyanning asosiy tayanchiga aylanib bo'lgan va davlat sifatida o'zini boshqacha tasavvur qila olmaydi.
AQSh va Shimoliy Koreya rahbarlari ikkinchi bor uchrashdi