AQShda 8-noyabrda Kongress, shtatlar qonunchilik palatalari va rahbariyatlari uchun saylovlar. Hozirgacha 20 ayol gubernatorlik uchun o'z partiyasining ishonchini qozongan.
“Gubernatorlik uchun xotin-qizlar bu qadar qattiq kurashgani va ustun kelganini oldin ko'rmaganmiz”, - deydi Kelli Dittmar, Ratgers universitidan tadqiqotchi.
“Zamon shtatlarni erkaklargina boshqara olladi degan noxolis yondashuv asossiz allaqachon isbotlab bo'lgan".
AQShning to'qqiz shtati ayni damda ayol gubernator qo'li ostida.
Bu yil gubernatorlikka saylanish uchun harakat qilayotgan ayollarning 13 nafari demokrat, 7 nafari esa respublikachi.
“Gubernatorlik - o'ta qudratli lavozim va unda ayol kishi o'tirishi shtat uchun ulkan yutuq va o'zgarish. Oxirgi yillarda ko'plab shtatlarda xotin-qizlarning huquqlarini cheklovchi siyosat avj olgani uchun ham ayollarning rahbarlikka saylanishi xalq xohish-istagi boshqacha ekanini anglaradi", - deydi Dittmar.
“Abort bilan bog'liq huquqlar, saylovda qatnashish yoki ta'lim imkoniyatlari - bu sohalarda demokratik chekinishlarni kuzatayapmiz. Ayol gubernatorlar, qay partiyadan bo'lmasin, bu masalalarga boshqacha qaraydi”.
Respublikachi Tyudor Dikson (tepada) Michigan shtatida gubernatorlik uchun amaldagi Gretchen Uitmer bilan kurashmoqda
Bu yilgi saylov 50 shtatdan 36 tasining rahbarini yangilashi mumkin. Hozirgi kampaniyadagi ayollar soni misli ko'rilmagan daraja. Besh shtatda gubernatorlikka faqat ayollar nomzod.
Ditmarr deydiki, bu holat ayollar orasida ham fikrlar va yondashuv keng va rang-barang ekanidan dalolat.
“Xotin-qizlarning hammasi bir xil fikrlaydi deb o'ylasangis, adashasiz. Ular ham siyosiy jihatdan turlicha pozitsiyalarda va mafkuraviy yondashuvlari farqli”.
"Erkaklar siyosatga o'ziga xos shakl va qarash bilan kirib, faoliyat yurithanidek, ayollar ham o'ziga xos tajriba va omillar asosida saylanadi va ishlaydi.”
Jorjiya shtatida gubernatorlikka intilayotgan Steysi Abrams
Dittmar tahlilicha, bu yil ko'plab ayollar rahbarlikka intilayotgani, omma ularni quvvatlayotgani - demokratik holat. Bunday tizimda, deydi u, fuqaro nima istashini nomzodlar orqali aks ettiradi. Demak, nomzod endi ishonchni oqlashi kerak. Saylana olmasa, fuqaro buni ham tushunishi lozim, chunki kimdir uning nomzodidan ustun ekan.
Lekin, deya eslatadi Ditmarr, ayol siyosatchi barcha muammolarni hal qiladi deb o'ylash yoki kutish ham noto'g'ri. Ammo, har safar biror ayol "men qodirman" deb katta siyosiy sahnaga chiqqanida undan erkaklarga qaraganda bir necha karra ko'proq yutuq va samara kutiladi.
Siyosatchilar - jamiyatning namoyondalari. Ular orasida erkaklar va ayollar teng sonda bo'lishi - ideal maqsad, deydi ekspert.
Biroq gender tenglik tomon hali ancha harakat qilish kerak. Amerikada gubernatorlar asosan oq tanli erkaklar bo'lib kelgan.