Learning English
VOA
site logo site logo
Oldingi Keyingi
Breaking News
AQSh-Markaziy Osiyo

AQSh Janubiy va Markaziy Osiyo bo'yicha bosh diplomatini yangiladi

Prezident Barak Obama 2012-yilda Birmaga safari chog'ida olingan surat. Nisha Bisvol, uning fikricha, Janubiy va Markaziy Osiyo bilan hamkorlikni oshirib, aloqalarni mustahkamlashga qodir arbob.
Prezident Barak Obama 2012-yilda Birmaga safari chog'ida olingan surat. Nisha Bisvol, uning fikricha, Janubiy va Markaziy Osiyo bilan hamkorlikni oshirib, aloqalarni mustahkamlashga qodir arbob.
VASHINGTON —  Shu yilning iyul oyida AQSh prezidenti Barak Obama davlatning Janubiy va Markaziy Osiyo bilan aloqalariga mas'ul bosh diplomati etib hind-amerlikalik Nisha Bisvolni tayinlash niyatida ekanligini bayon qilgan edi. Bir oy oldin Senat tasdig'idan o'tgan Bisvol xonim 21-noyabr kuni Davlat departamentida qasamyod keltirib, rasman ishga kirishdi.

2009-yildan beri bu lavozimni Robert Bleyk (Robert Blake) egallab kelayotgan edi. Bleyk - Markaziy Osiyo, xususan O'zbekiston bilan aloqalarning jonlanishi, Afg'oniston bo'yicha hamkorlikning kengayishi, yillik maslahat kengashlarining yo'lga qo'yilishi, rasmiy safarlarning jadallashishi, iqtisodiy hamkorlikka ko'proq urg'u berilishi, Yangi Ipak Yo'li tashabbusining qayta tanishtirilishi ortida turgan arbob. Professional diplomat. U hozirda Indoneziyaga elchilikka tayinlangan.

Nisha Bisvol (Nisha Desai Biswal) so'nggi yillarda AQSh Xalqaro Taraqqiyot Agentligi (USAID) rahbari o'rinbosari edi. Janubiy va Markaziy Osiyo bilan aloqalariga mas'ul bosh diplomat rasman Davlat kotibi muovinidir. Bugunga qadar osiyolik biror mutaxassis yuqoridagi lavozimga tayinlanmagan.

Davlat departamentining Janubiy va Markaziy Osiyo byurosi Markaziy Osiyoning besh respublikasi qatorida Afg'oniston, Hindiston, Pokiston, Bangladesh, Shri Lanka, Nepal, Maldiv orollari va Butan bilan rishtalarni tebratadi. Byuro rahbari sifatida Bisvol Afg'oniston va Pokiston bo'yicha maxsus vakil Jim Dobbins bilan ishlaydi.

Qasamyod marosimida so'zlagan Davlat kotibi Jon Kerri Nisha Bisvolni 2 milliard aholi yashaydigan va yiliga yalpi daromad 2 trillion dollarni tashkil etadigan ulkan hudud bilan munosabatlarni eplay oladi, deya ishonch bildirdi.

Bisvol Kongressda qonunchilar qo'lida ishlab pishgan, keyinchlik esa Davlat departamentida yuqori kursilarni egallagan. Mintaqaviy ekspert emas. USAID rahbarlaridan biri sifatida gumanitar yordam masalalarida Markaziy Osiyo hukumatlari bilan muloqot qilgan.

Uning region bo'yicha bilimi ancha cheklangan, deya tan oladi uni yaxshi tanigan rasmiylar, biroq xonim Amerika tashqi siyosatining tub maqsadlari va tamoyillaridan chuqur xabardor, ularni targ'ib qilib, belgilgangan siyosatni amalga oshirishga qodir.

Virjiniya Universitetidan bakalavrlik diplomini olgan xonim kasbiy faoliyatini Vashingtonda Amerika Qizil Xoch qo'mitasida boshlagan. Armaniston, Gruziya va Ozarbayjonda ishlagan.

Markaziy Osiyo Amerika bilan chigal aloqalarga ega. Nisha Bisvol nimani eplaydi, buni albatta vaqt ko'rsatadi.

AQSh-Markaziy Osiyo hamkorligi xususida ayrim materiallar:
O'zbekiston - AQShda yangi elchi/Navbahor Imamova
Embed
O'zbekiston - AQShda yangi elchi/Navbahor Imamova
by Amerika Ovozi

No media source currently available

0:00 0:07:18 0:00
Yuklab oling
Qozog'iston Tashqi ishlar vaziri bilan suhbat, Navbahor Imamova, 9-iyul 2013
Embed
Qozog'iston Tashqi ishlar vaziri bilan suhbat, Navbahor Imamova, 9-iyul 2013
by Amerika Ovozi

No media source currently available

0:00 0:10:35 0:00
Yuklab oling
AQSh-Markaziy Osiyo, O'zbekiston, huquq va demokratiya/Navbahor Imamova
Embed
AQSh-Markaziy Osiyo, O'zbekiston, huquq va demokratiya/Navbahor Imamova
by Amerika Ovozi

No media source currently available

0:00 0:06:10 0:00
Yuklab oling
O'zbekiston-AQSh/Robert Bleyk bilan savol-javob/Navbahor Imamova
Embed
O'zbekiston-AQSh/Robert Bleyk bilan savol-javob/Navbahor Imamova
by Amerika Ovozi

No media source currently available

0:00 0:06:07 0:00
Yuklab oling
  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

XS
SM
MD
LG