Markaziy Osiyo bilan munosabatlarda bu yili Amerika urg'uni asosan Afg'oniston yuzasidan hamkorlikka berdi. Xalqaro koalitsiyaga zarur vositalar yetkazishda mintaqa muhim rol o'ynab kelmoqda. Shuningdek, Markaziy Osiyo davlatlaridan Afg'onistondagi qo'shinlar uchun mahsulotlar ham sotib olinmoqda. Yonilg'i, qurilish materiallari, xomashyo va ichimlik suvi... AQSh Davlat departamenti - bu davlat tashqi ishlar vazirligi rasmiylarining bizga aytishicha, Obama ma'muriyati serqirra hamkorlik tarafdori. Kongress, qonunchilik organi, a'zolaridan ham shuni eshitamiz.