Mustaqil siyosatshunos sifatida tanilgan, fan nomzodi va bugungi kunda Toshkentdagi “Bilim karvoni” nomli nodavlat ta’lim muassasasiga asos solgan olim Farhod Tolipov yaqinda AQSh poytaxtiga tashrif buyurib, Jorj Vashington universitetida so’zladi. O’zbekiston tashqi siyosati doktrinasi yuzasidan o’z tahlilini bayon etgan ekspert fikricha yaqin kelajakda respublikada rahbariyat o’zgarsa ajabmas. Farhod Tolipovni amerikalik kasbdoshlari mustaqil O’zbekistonning birinchi professional politologi deya ta’riflaydi. Ekspert AQSh tashqi siyosati bo’yicha milliy qo’mita anjumanida ham ishtirok etib, Afg’oniston va Markaziy Osiyodagi vaziyat yuzasidan o’z tahlilini taqdim etdi. Yig’inda mintaqaning boshqa respublikalaridan olimlar ham qatnashdi. Ekspertni suhbatga tortdik.