Saida Mirziyoyeva O'zbekiston kelajagida qanday rol o'ynamoqchi?

Markaziy Osiyo yakkahokimlar va ularning yulg'ich farzandlari hukmron mintaqa sifatida tanilgan. O'zbekistonni o'zgartirishga bel bog'lagan Prezident Shavkat Mirziyoyevning ikki qizi bugun siyosiy sahnada. To'ng'ich farzandi Saida Mirziyoyeva global minbarlarga ham yetib bordi. Bu nimadan dalolat? Mirziyoyevalar O'zbekistonning malikalari bo'ladimi (ko'plab taxmin qilayotganidek) yoki respublikani haqiqatdan ham demokratiya va oshkoralik tomon yetaklovchi islohotchilarmi? Davlat rahbarlarining farzandlari mamlakatning buguni va kelajagida ijobiy rol o'ynay olishi mumkinligini isbotlay oladimi? Saida Mirziyoyeva va singlisi Shahnoza, xohlaydimi yo'qmi, bugun mana shunday sinov bilan yuzlashmoqda.