O'zbek-afg'on oilalarining quvonch va tashvishlari

Hilola Ro'ziyeva - Afg'onistonning kelini, biroq umrida u yurtga bormagan. Tadbirkor eri hozirda vatanida, Tolibon hukmronligi ostida qolgan biznesi bilan mashg'ul. Hilolaning o'zi esa Termizda to'rt farzandi bilan oziq-ovqat va boshqa mahsulotlar sotadigan do'konni yuritadi. Uniki kabi o'zbek- afg'on oilalarning tilagi - ikki davlat orasidagi rishtalar kuchli bo'lsin, yo'llar ochiq tursin, O'zbekistondagi afg'onlar zarur ruxsatni ololsin.