BMTning Jahon oziq-ovqat dasturi donor davlatlardan pul kam tushayotganidan nolib, Afg'onistonda yegulikka muhtoj millionlab odamlarga yordamini qisqartirayotganini ma'lum qilmoqda.
Boshqarmaning aytishicha, mablag' yetti million muhtoj odamdan yarmini boqishga yetadi xolos. Shu sabab birinchi galda bolalar va ayollarga oziq-ovqat ulashiladi. BMT agentligi to'liq sur'atda ishlash uchun qo'shimcha 220 million dollar kerak demoqda.
Bu o'rtada sharqdagi G'azni viloyatida ikki joyda bomba portlab, yetti kishi o'lgan. Qorabog' tumanidagi birinchi portlashda to'rt fuqaro, jumladan ikki bola, boshqa xurujda esa avtomobil bombaga duch kelib, uch afg'on nobud bo'lgan.
Afg'onistonda oziq-ovqatga muhtoj yetti million kishining yarmiga mablag' bor xolos
- Amerika Ovozi
