Learning English
VOA
site logo site logo
Oldingi Keyingi
Breaking News
Yangiliklar

AQSh-Markaziy Osiyo: Qoradori savdosiga qarshi yangi loyiha

Vilyam Braunfild va AQShning Qirg'izistondagi elchisi Pamela Spratlen Bishkekda o'tgan matbuot anjumanida, 28 iyun 2011
Vilyam Braunfild va AQShning Qirg'izistondagi elchisi Pamela Spratlen Bishkekda o'tgan matbuot anjumanida, 28 iyun 2011

AQSh Davlat kotibining Qoradoriga qarshi xalqaro kurash bo'yicha muovini Vilyam Braunfild Bishkekda Qirg'iziston prezidenti Roza Otunbayeva, Bosh vazir Almazbek Atambayev va boshqa rasmiylar bilan uchrashdi.

Chegara nazorati, ichki ishlar xodimlari malakasini oshirish, harbiy almashinuvlar, texnik yordam va xavfsizlik masalalari ustida gap ketdi.

"Ikki davlat uzoq yillardan beri bu borada hamkorlik qilib kelayapti va uni davom ettiramiz, kengaytiramiz", - deydi Braunfild.

Bishkek, 28 iyun 2011
Bishkek, 28 iyun 2011

"Bugungi muzokarada Markaziy Osiyoning besh respublikasini hamda Rossiya va Afg'onistonni qamrovchi mintaqaviy rejani muhokama qilib oldik", - deydi diplomat.

"Qirg'iziston - geografiya qurboni. Janubda dunyoning eng yirik geroin makoni joylashgan bo'lsa, shimolda uning eng yirik iste'molchisi. Bu regional muammo va unga regional yechim topish kerak. Bizning hukumatimiz bu borada ko'maklashishga tayyor", - deydi AQSh Davlat kotibi muovini.

AQSh-Markaziy Osiyo: Qoradori savdosiga qarshi yangi loyiha
AQSh-Markaziy Osiyo: Qoradori savdosiga qarshi yangi loyiha

Diplomat ishlab chiqaruvchi deb Afg'onistonga, iste'molchi deya Rossiya va Yevropaga ishora qilmoqda.

Rasmiy deydiki, o'tgan besh yil ichida Afg'onistonda Markaziy Osiyo orqali olib o'tilayotgan qoradori hajmi va oqimi oshgan. Afyun va geroin ishlab chiqarish ancha kamaygan, deydi u, ammo qoradori savdosi hamon chaqqon.

Savdogarlar ko'rinmas, murakkab bir tizimga ega. Ulardan foyda olayotganlarni tutish va jazolash hukumatlardan kuchli siyosiy iroda talab qiladi. Deyarli har bir respublikada amaldorlar orasida qoradori savdosiga aralashganlar bor deya taxmin qilinadi.

Amerika bu kurashda BMT Qoradoriga qarshi idorasi (UNODC) va Markaziy Osiyo Mintaqaviy Informatsiya va Koordinatsiya Markazi (CARIICC) rolini oshirish kerak deb chiqmoqda.

Vilyam Braunfild Qirg'izistondan Tojikistonga yo'l olgan va Afg'oniston bilan chegaradosh Sho'robod tumanida yangi tekshiruv punkti ochilish marosimida qatnashgan.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

Back to top
XS
SM
MD
LG