AQSh Davlat kotibi Jon Kerri Qozog'istonda, 2-noyabr, 2015

AQSh Davlat kotibi Jon Kerri bugun Ostonada bo'ldi. Qozog'iston rahbari Nursulton Nazarboyev, Bosh vaziri Karim Massimov, Tashqi ishlar vaziri Erlan Idrissov bilan muloqot qildi. Ikki davlat orasidagi biznes hamkorlik namunalari bilan tanishdi. Qozog'istonda biznes qilayotgan AQSh kompaniyalari va tadbirkorlar bilan gaplashdi. Keyin esa Nazarboyev universitetida so'zladi. Kerri demokratiya va erkinlik, tinchlik va farovonlik, birdamlik va mas'uliyat xususida gapirdi. Yoshlarni umidsizlanmaslikka, mintaqa kelajagi uchun ter to'kishga chaqirdi. Markaziy Osiyodagi ulkan imkoniyatlarni reallikka aylantiradigan sizning o'zingiz, dedi u Qozog'iston poytaxtida so'zlar ekan. Inson huquqlarini toptash hech bir jamiyatni yaxshilikka yetaklamaydi. Huquqbuzarlik va adolatsizlik ekstremizm, qon to'kilishi va mojarolarga olib boradi, dedi Kerri.