AQSh Qirg'iziston etnik ahillik va hamjihatlik yo'lidan boradi degan umidda

Qo'shma Shtatlarning Bishkekdagi elchixonasi 2010-yilda O'shda ro'y bergan qonli voqealar yuzasidan bayonot chiqardi. Unda shunday deyiladi:

Qirg'iziston janubida elatlararo qonli to'qnashuvlar yuz berganiga besh yil to'ldi. AQSh shuni qayd etadiki, Qirg'iziston xalqi va hukumati o'tgan yillar mobaynida javobgarlikni ta'minlash, barqarorlik va birdamlikni targ'ib etish bo'yicha bir qancha ishlarni amalga oshirdi va bu harakatlarni davom ettiradi.

Dunyoning qay chekkasida bo'lmasin, jumladan AQShda, fuqarolarga teng ko'z bilan qaraydigan barqaror va adolatli jamiyat barpo etish - hukumat va barcha elatlar o'rtasida konstruktiv dialog yo'lga qo'yilishini taqozo etadi.

Tafovutlar ochiq va demokratik muhitda, qonunlarni ustun qo'yib hamda odamlarni kimligiga qarab ajratmasdan hal etilsa, bu millatni bo'lib qo'ygan illatlar o'rniga Qirg'izistondek yurtda kuchli va barqaror jamiyat vujudga keladi.

Qirg'iziston janubida 2010-yilning yozida olingan suratlar:

O'sh va Jalol-Obodda 10 yil oldin, 10-11 iyun kunlari yuz bergan qonli voqealarda minglab insonlar halok bo'lgan. Bir necha kun davom etgan xunrezliklar Markaziy Osiyo ahli oxirgi o'n yillikda boshdan kechirgan eng katta fojia deya izohlanadi.

Bugungi O'sh:

• Navbahor Imamova

2010-yilning iyun oyidagi qonli voqealardan astalik bilan o’ziga kelayotgan, minglab qalblar bir umrga jarohatlangan azim shahar horg’in. Lekin ortiqcha shikoyat qilmaydi. Dardini ichiga yutib, kunini ko’rmoqda. Yozgi ta’tilda meni u yerga asosan ikki maqsad yetakladi. Biri marhum hamkasbim, 2007-yilda O’shda ishxonasi oldida otib o’ldirilgan Alisher Soipov oilasi bilan diydor ko’rishish, ikkinchisi esa ko’rsatuvlarimizni har hafta efirga uzatib, bir millionga yaqin tomoshabinga yetkazadigan Keremet TV bilan yaqindan tanishish. Tafsilotlar "Yoshlariston" blogida: http://blogs.voanews.com/uzbek/yoshlariston/2014/09/08/osh-ushalgan-va-ushalmagan-orzular/