Bugun BMT Xavfsizlik Kengashida Liviya bo'ylab parvozlarni taqiqlash xususida munozaralar davom etadi. AQSh Davlat kotibasi Xillari Klinton rezolyutsiya bugundan kechga qolmay qabul qilinadi degan umidda. Loyiha mualliflari Britaniya, Fransiya va Livan. Arab Ligasi hujjat matnini tasdiqlagan.
Bu o'rtada esa Liviya armiyasi isyonchilar pozitsiyalariga zarba berishda to'xtamayapti. Isyonchilar yengil qurollangan bo'lib, uyushmagan, tartibsiz harakat qilmoqda. G'arbdagi ayrim davlatlar parvozlarni tezroq taqiqlab, isyonchilarga madad berishga chaqirmoqda. Biroq Xavfsizlik Kengashining Germaniya va Rossiya kabi a'zolari nazarida rezolyutsiya samara bermaydi.
Muammar Qaddafiy kuchlari yakshanba kuni harbiy operatsiyalarni vaqtincha to'xtatib, isyonchilarga taslim bo'lishga imkon berilishini aytmoqda. Ungacha esa havo hujumlari davom etadi.
Seshanbadan beri Ajdabiya shahrida 30 kishi o'lgan. G'arbdagi Misrata shahri hukumat kuchlari qo'liga o'tgan, ammo isyonchilar bu xabarni inkor etmoqda.
BMT Xavfsizlik Kengashida Liviya masalasi qizg'in muhokamada
- Amerika Ovozi
AQSh Davlat kotibasi Xillari Klinton rezolyutsiya bugundan kechga qolmay qabul qilinadi degan umidda.
