Prezident Barak Obama AQSh razvedkasining sobiq xodimi Edvard Snoudenga Rossiyada siyosiy boshpana berilganidan afsusda ekanini aytdi. Snouden Amerikaning mafxiy kuzatuv dasturlarini oshkor qilganlikda ayblanmoqda.
Obamaning aytishicha, ikki davlat o’rtasida ekstraditsiyaga doir bitim bo’lmasa-da, Qo’shma Shtatlar o’tmishda Rossiya bilan bu borada hamkorlik qilishga intilgan. Ba’zida Rossiya Sovuq urush davriday fikrlaydi, deydi AQSh rahbari.
Obama sentabr oyida Sankt-Peterburgda bo’ladigan Katta Yigirmalik sammitida ishtirok etishini tasdiqladi, biroq Rossiya prezidenti Vladimir Putin bilan AQSh-Rossiya ikki tomonlama sammiti doirasida Moskvada kutilgan yuzma-yuz uchrashuvni bekor qildi.
Obama, shuningdek, Rossiyada gomoseksualizmni targ’ib qiluvchi qonunning qabul qilinganini tanqidga oldi. Jinsiy ozchilikdagi odamlarni kamsituvchi xorijiy qonunlarga toqatim yo’q, dedi u. Rossiya bunday qonun qabul qilgan yagona davlat emas.
Juma kuni AQSh davlat kotibi Jon Kerri va mudofaa vaziri Chak Xeygel Vashingtonda rossiyalik hamkasblari Sergey Lavrov va Sergey Shoygu bilan uchrashishi kutilmoqda.
Davlat departamentiga ko’ra, tomonlar Suriya, Afg’oniston va Erondagi vaziyat hamda strategik qurollarni qisqartirishga qaratilgan bitimni yangilash xususida fikr almashadi.
Obamaning aytishicha, ikki davlat o’rtasida ekstraditsiyaga doir bitim bo’lmasa-da, Qo’shma Shtatlar o’tmishda Rossiya bilan bu borada hamkorlik qilishga intilgan. Ba’zida Rossiya Sovuq urush davriday fikrlaydi, deydi AQSh rahbari.
Obama sentabr oyida Sankt-Peterburgda bo’ladigan Katta Yigirmalik sammitida ishtirok etishini tasdiqladi, biroq Rossiya prezidenti Vladimir Putin bilan AQSh-Rossiya ikki tomonlama sammiti doirasida Moskvada kutilgan yuzma-yuz uchrashuvni bekor qildi.
Obama, shuningdek, Rossiyada gomoseksualizmni targ’ib qiluvchi qonunning qabul qilinganini tanqidga oldi. Jinsiy ozchilikdagi odamlarni kamsituvchi xorijiy qonunlarga toqatim yo’q, dedi u. Rossiya bunday qonun qabul qilgan yagona davlat emas.
Juma kuni AQSh davlat kotibi Jon Kerri va mudofaa vaziri Chak Xeygel Vashingtonda rossiyalik hamkasblari Sergey Lavrov va Sergey Shoygu bilan uchrashishi kutilmoqda.
Davlat departamentiga ko’ra, tomonlar Suriya, Afg’oniston va Erondagi vaziyat hamda strategik qurollarni qisqartirishga qaratilgan bitimni yangilash xususida fikr almashadi.
