Learning English
VOA
site logo site logo
Oldingi Keyingi
Breaking News
Markaziy Osiyo

Roza Otunbayeva Vashingtonda bo'lib, yuksak mukofot bilan taqdirlanadi

AQSh Davlat kotibasi Xillari Klinton 2010 yilning 2 dekabrida Bishkekda bo'lgan va prezident Roza Otunbayeva bilan suhbat qurgan edi. Amerika nazarida Otunbayeva Qirg'iziston ravnaqi uchun uzoq yillardan beri ter to'kib, jasorat ko'rsatib kelayotgan ayol.
AQSh Davlat kotibasi Xillari Klinton 2010 yilning 2 dekabrida Bishkekda bo'lgan va prezident Roza Otunbayeva bilan suhbat qurgan edi. Amerika nazarida Otunbayeva Qirg'iziston ravnaqi uchun uzoq yillardan beri ter to'kib, jasorat ko'rsatib kelayotgan ayol.

7-8 mart kunlari Qirg'iziston prezidenti Roza Otunbayeva Amerika poytaxtida bo'lib, Obama ma'muriyati a'zolari bilan uchrashadi. Shuningdek, Kongressga tashrif buyuradi.

Otunbayeva 7 mart kuni Vashingtondagi yetakchi tahlil markazlaridan biri, Xalqaro Tinchlik uchun Karnegi Jamg'armasida siyosatdonlar va jurnalistlar oldida so'zlaydi.

Tashkilotning bildirishicha, ma'ruza Qirg'iziston yuzlashayotgan iqtisodiy qiyinchiliklar va respublika siyosiy tizimidagi o'zgarishlarga bag'ishlanadi.

Roza Otunbayeva Davlat departamentida AQSh Tashqi ishlar vazirasi Xillari Klinton bilan muloqot qiladi.

8 mart kuni departament jahonning turli mamlakatlaridan tanlangan faol va yetakchilarga Jasoratli Ayol Xalqaro Mukofotini taqdim etadi.

Bu yilgi sovrindorlardan biri, rasmiylarning tasdiqlashicha, Roza Otunbayevadir.

2007 yildan beri beriladigan bu mukofot uchun nomzodlar AQSh elchixonalari tomonidan ko'rsatiladi.

Sovrindorlar odatda jamiyat taraqqiyoti uchun uzoq yillardan beri kurashib kelayotgan, huquq va adolat yo'lida jasorat ko'rsatgan, xalq xizmatida yurgan ayollar.

AQSh Davlat departamenti, Vashington
AQSh Davlat departamenti, Vashington

Davlat departamenti nazarida Roza Otunbayeva mana shunday insonlardan biri.

2009 yilda bu mukofot bilan taqdirlangan o'zbekistonlik huquq faoli Mo'tabar Tojiboyeva nazarida esa Qirg'iziston prezidenti bunday ehtiromga arzimaydi.

Otunbayeva, deydi u, o'tgan yili iyun oyida janub qonga belangan paytda hukumat boshida turgan va xunrezliklarning oldini olish uchun zarur choralar ko'rmagan rahbar.

"Otunbayeva balki jinoyatchi siyosatchilar qatoriga kirmas, lekin prezident sifatida bu jinoyatlarga ko'z yumib kelayapti",- deydi faol.

"Amerika bu mukofotni Qirg'izistonda kimgadir bermoqchi bo'lsa, adolat yo'lida haqiqatan ter to'kib kelayotgan, o'z hayotini xavf ostiga qo'yib bo'lsa-da, inson huquqlari poymol etilayotgani haqida ochiq gapirayotgan Tolekan Ismoilova va Aziza Abdurasulova kabi ayollar bor".

Otunbayevaning Vashington safari xususida "Amerika Ovozi" kundalik radio dasturi va mana shu saytda ma'lumot berib boramiz.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

XS
SM
MD
LG