Tramp ma'muriyati Parijda erishilgan iqlimga doir bitimdan chiqishga qaror qildi. Har xil davlatlar rahbarlari buni tanqid qilayapti.
Oq uyni namoyishchilar qurshab oldi. Parijdagi hokimiyat binosi esa yashil chiroqlar bilan yoritildi. Prezident Trampning iqlimga doir Parij kelishuvidan chiqish qaroriga javobdir bu.
Bu xalqaro bitimni imzolagan qariyb 200 davlat havoda zaharli gazlarni kamaytirishga, iqlimdagi salbiy o'zgarishlarning oldini olishga va'da qilgan.
Qo'shma Shtatlarni mazkur shartnomaga qo'shgan sobiq rahbar Barak Obama Trampning qarorini tanqid qilayapti.
Obamaning aytishicha, kelishuvga amal qilgan mamlakatlar ish o'rinlari va sanoatlar gurkirashidan naf ko'rishda davom etadi.
Fransiya rahbari Emmanuel Makron ham Trampga tanbeh berdi.
"Uning qarorini hurmat qilaman. Lekin bu yanglish qarordir. Ham Amerika, ham sayyoramiz uchun xato qaror".
Birlashgan Millatlar Tashkiloti hafsalasi pir bo'lganini yashirmayapti.
"Jahon davlatlari iqlimdagi qo'rqinchli, salbiy o'zgarishlarni tan olgan holda 2015-yilda Parij bitimiga qo'l qo'ygan edi. Noyob imkoniyat edi bu", - deydi Stefan Duyarich, BMT rasmiysi.
Germaniya Kansleri Angela Merkel shartnomada qolish qarorini ta'kidlab, jahon davlatlarini ham shunga undadi.
Shu tariqa bugun Parij bitimiga faqat Amerika, Nikaragua va Suriya amal qilmayapti.
Facebook Forum