Learning English
VOA
site logo site logo
Oldingi Keyingi
Breaking News
AQSh-Markaziy Osiyo

Shila Gvoltni - AQShning Qirg'izistondagi yangi elchisi

Shila Gvoltni yaqingacha AQShning Rossiyadagi elchisi o'rinbosari edi
Shila Gvoltni yaqingacha AQShning Rossiyadagi elchisi o'rinbosari edi

AQSh Senatining Tashqi aloqalar bo'yicha qo'mitasi 5-avgust kuni tajribali diplomat Shila Gvoltni (Sheila Gwaltney) Qirg'izistondagi yangi elchi bo'lsin deya tasdiqladi.

2014-yilning avgust oyida Prezident Barak Obama tomonidan Bishkekda bosh diplomatlikka ko'rsatilgan Gvoltni xonim sobiq Sovet davlatlari bo'yicha yetuk mutaxassis sanaladi. Yaqingacha Rossiya va 1990-yillarning oxiri va 2000-yillar boshida Qirg'izistonda elchi o'rinbosari sifatida ishlagan. Bishkekdan keyin u Ukraina poytaxti Kiyevda ham shu lavozimda xizmat qilgan. Rossiyada nafaqat Moskva, balki Sankt-Peterburgda ham faoliyat yuritgan, konsul vazifasida.

Bu Gvoltni uchun birinchi elchilik bo'ladi.

Kalifoniya va Jorj Vashington universitetlarini bitirgan mutaxassis xalqaro aloqalar bo'yicha diplomga ega. 1984-yilda diplomatik xizmatga kirishganida avval Panama, keyin esa Janubiy Afrikada ishlagan.

2010-yilda Rossiyadagi elchi o'rinbosari lavozimiga tayinlanganida Gvoltni Kreml agressiv siyosat yo'lidan bormoqda, deya ogohlantirgan. Elchi Maykl Makfol o'tgan yilning boshida Amerikaga qaytgach, uning vazifasini Gvoltni bajargan. Gvoltni bu davrda Qrim va Ukraina masalasi bilan shug'ullangan yetakchi diplomat sifatida tanildi.

Yaqinda Senatda so'zlaganida Gvoltni Qirg'izistonga demokratik taraqqiyot, iqtisodiy farovonlik va xavfsizlik masalasida yordam ko'rsatishni asosiy maqsadlar deya ta'kidladi.

O'zbek faol, Jalol-Obodda o'z nohukumat tashkilotini yuritib tanilgan Azimjon Asqarovni qahramon deb atab, unga yaqinda yuksak mukofot bergan Qo'shma Shtatlarning Qirg'iziston hukumati bilan munosabatlari taranglashgan. Asqarov militsiyaga qarshi jinoyatlarda, shuningdek, etnik nafrat urug'ini sochganlikda aybdor deb topilib, bir umrlik qamoq jazosiga mahkum etilgan. Uning ishi qayta ko'rib chiqilib, hukm o'z kuchida qolgan. Biroq Asqarov tarafdorlari va himoyachilarining aytishicha, guvohlar ko'rsatmalarini qaytib olgan, sud ishi soxta ayblovlarga asoslangan. Xalqaro tashkilotlar va AQSh hukumati ish qayta ko'rib chiqilsin, deya undab keladi.

Yiliga o'nlab million dollarga teng madad oladigan Bishkek Vashington yordamiga muhtoj emasligini bildirib, bu boradagi kelishuvlarni bekor qilgan. Siyosiy tahlilchilar nazarida bu xafagarchilik vaqtinchalik va Rossiya bosimi ostidagi Qirg'iziston baribir Amerika bilan yaqin hamkorlikdan manfaatdor. Shila Gvoltni elchi sifatida oradagi ishonch va rishtalarni tiklashi kerak bo'ladi, deydi ular.

Bir necha oydan beri AQShning Bishkekdagi muvaqqat elchisi vazifasini keksa diplomat Dik Mayls boshqarib kelayotgan edi.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

Back to top
XS
SM
MD
LG