AQSh Kongressi avgust oyida Falastin uchun moliyaviy yordamni to'xtatish qarorini bekor qildi.
Muxtoriyat uni mustaqil davlat sifatida tan olishini so'rab BMTga murojaat qilganida, Kongress Falastin politsiyasini moliyalash va taraqqiyot dasturlariga ajratilgan 200 million dollarni muzlatib qo'ygan edi.
Kongress a'zosi Ileana Ros-Leytinenning aytishicha, moliyaviy yordam davom etadi.
Qo'shma Shtatlar Falastinning Isroil bilan tinchlik bitimiga erishmay davlat maqomini bevosita BMT orqali olmoqchi bo'lganidan norozi.
Falastin shu tariqa YUNESKO ga to'liq a'zo bo'lganidan so'ng AQSh o'tgan hafta tashkilot uchun ajratiladigan to'lovlarini to'xtatib qo'ygan.
AQSh sog'liqni saqlash, tibbiyot va xavfsizlik uchun Falastinga yiliga 600 million dollar, maoshlar uchun esa 50 million dollar ajratadi.
