Yamanda yangi birlashgan hukumat tuzildi. 2012-yilning fevral oyida prezident saylovlari bo’lib o’tadi.
Muxolifat yetakchisi Muhammad Basindva boshliq 35-a’zolik vazirlar mahkamasi bugun qasamyod keltirdi va ilk majlisini o’tkazdi. Unga vitse-prezident Abdul Rabuh Mansur Hadiy raislik qildi.
Mudofaa, tashqi ishlar va neft vazirliklarini prezident Ali Abdulla Solih tarafdori bo’lgan odamlar boshqaradi, muxolifat esa ichki ishlar, moliya va iqtisod hamda informatsiya vazirliklari uchun mas’ul.
33 yillik rahbar Ali Abdulla Solih endi nomigagina prezident.
Unga qarshi bosh ko’targan omma esa namoyishlarni davom ettirmoqda. Ular nazarida Solih hokimiyatdan umuman ketishi va qilimishlari uchun javob berishi kerak.
