Learning English
VOA
site logo site logo
Oldingi Keyingi
Breaking News
Yangiliklar

Shoir Yusuf Juma ozod etildi, qamoqdan Amerikaga

Yusuf Juma siyosiy-tanqidiy she'rlari bilan tanilgan edi
Yusuf Juma siyosiy-tanqidiy she'rlari bilan tanilgan edi

O'zbekistonda 2008 yildan qamoqda o'tirgan muxolifatchi shoir Yusuf Juma 19 may kuni ozod etilgan.

20 may kuni kechqurun Amerikaga yetib kelgan arbobning oilasi, xususan rafiqasi va besh o'g'li o'tgan yillarda shu mamlakatdan siyosiy boshpana olgan.

"Ezgulik" O'zbekiston Inson Huquqlari Jamiyatiga ko'ra, Yusuf Jumaning ozod etilishi - AQSh-O'zbekiston orasidagi siyosiy muloqotlarning samarasi.

Shoir Qoraqalpog'istondagi Jasliq lagerida saqlanayotgan edi. Oilasining aytishicha, u bir necha bor qiynoqqa solingan.

Yusuf Jumaning ayoli Gulnora Oltiyeva deydiki, shoirning ozod etilishida AQSh hukumati muhim rol o'ynadi.

Yusuf Juma davlat xizmatchisiga qarshilik ko'rsatganlik va militsiya xodimlariga tan jarohati yetkazganlik aybi bilan qamalgan edi.

Lekin inson huquqlari tashkilotlari nazarida shoir O'zbekistondagi mavjud tuzum va prezident Islom Karimovni tanqid qilgani uchun jazolangan.

"Yusuf Juma o'zi hech qachon qamalmasligi kerak edi",- deydi Stiv Sverdlov, inson huquqlari bo'yicha "Human Rights Watch" tashkiloti vakili.

Bugun O'zbekistonda 13 huquq himoyachisi va o'nlab faollar va jurnalistlar qamoqda, deyiladi bu muassasa chiqargan bayonotda, barchasi amaldagi siyosatni savolga tutgani uchun shunday ahvolga tushgan.

Gulnora Oltiyeva turmush o'rtog'ini kutib olish afarasida "Amerika Ovozi" bilan suhbatlashib, ko'ngildagi so'zlarini shunday izhor etdi. Marhamat, tinglang.

Gulnora Oltiyeva, shoirning ayoli, o'tgan ikki yildan beri Vashingtonda hukumat eshiklarini qoqib, erining ozod etilishi uchun Amerikadan yordam so'rab kelayotgan edi
Gulnora Oltiyeva, shoirning ayoli, o'tgan ikki yildan beri Vashingtonda hukumat eshiklarini qoqib, erining ozod etilishi uchun Amerikadan yordam so'rab kelayotgan edi

"Yusuf akamning qamoqdan chiqishlarini ko'p oldindan bilar edim. Amerika hukumati bunga katta hissa qo'shdi va yordam berdi. Alisher, Bobur, Qodirish, Mashrab va Javhar - besh o'g'lim hozir oldimda. Xudoga shukur ular Amerikada bag'rimda, faqat qizim Feruza va nabiram O'zbekistonda edi. Bugun (20 may) ular ham, xudo xohlasa, kechqurun 9-10 larda Amerikaga kelib qo'nishadi deb umid bilan kutayapman. Mana bu kunlar ham kelar ekan. Og'ir damlarda yonimda turgan do'stlarimga rahmat aytaman va boshim yerga tekkuncha rahmat aytaman. Shu jumladan oxirigacha yonimda turgan huquq himoyachisi Umida Niyozovaga rahmatlar aytaman",- deydi Gulnora Oltiyeva.

Onaxonning qayd etishicha, Amerika arboblari unga yaqindan dalda berdi.

"Ularning so'zlari va quvvatlovlari menga kuch bag'ishladi", - deydi Gulnora Oltiyeva.

"Bugun xursandchilik kunimda barcha do'stlarimizga minglab rahmat aytaman".

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

Back to top
XS
SM
MD
LG