Terrorizmga qarshi kurash/Counterterrorism

Yaqinda nashrdan chiqqan bir kitobda musulmon arbob, g'arbu-sharqda o'z siyosiy asarlari bilan tanilgan Akbar Ahmad terrorga qarshi urush mazmunini tahlil qilib, diniy ekstremistlarga haddan ziyod urg'u bermaslikka undaydi. Tinchlik bo'lsin desak, ijtimoiy adolatsizlikka, qashshoqlikka, savodsizlikka va korrupsiyaga qarshi kurashaylik, deydi u. Akbar Ahmad sobiq diplomat, asli Pokistondan. Yangi kitobida ona vatanini misol keltiradi. Shuningdek, dunyoning boshqa qismlariga ham nazar tashlaydi.