AQSh sobiq vitse-prezidenti, Demokratik partiya nomzodi Jo Bayden ommaviy axborot vositalari tomonidan prezidentlik saylovi g'olibi deb e'lon qilindi. U kelasi yilning 20-yanvar kuni AQShning 46-prezidenti sifatida faoliyat boshlashi kutilyapti.
Ungacha esa "prezident emas, prezidentlikka saylangan" degan maqomda.
Buni ham ko'ring Oq uy uchun uchinchi urinish g'alaba bilan tugadi36 yil senatorlik qilgan va sakkiz yil prezident Barak Obama ma'muriyatida vitse-prezident sifatida faoliyat yuritgan Jo Bayden keskin kurashlar ostida kechgan saylovdan to'rt kun o'tib, g'alaba qozondi.
G'alaba Saylov kollegiyasi a'zolari va Kongress tomonidan rasman tasdiqlanishi kerak. Lekin bu jarayon saylov natijasini o'zgartirishi kutilmayapti.
G'alaba qozongani haqida xabarlar chiqishi ortidan Bayden "Twitter" orqali bu yangilikka munosabat bildirib, "Mamlakatga yetakchilik qilish uchun meni tanlaganingizdan sharaflanaman", - deb yozdi.
America, I’m honored that you have chosen me to lead our great country.The work ahead of us will be hard, but I promise you this: I will be a President for all Americans — whether you voted for me or not.I will keep the faith that you have placed in me. pic.twitter.com/moA9qhmjn8
— Joe Biden (@JoeBiden) November 7, 2020
Bayden Saylov kollegiyasining 538 ovozidan yutish uchun zarur bo'lgan 270 tasini ortig'i bilan qo'lga kiritdi.
Amaldagi davlat rahbari Donald Tramp so'nggi 40 yil ichida ikkinchi muddat uchun kechgan saylovda mag'lub bo'lgan uchinchi prezident sifatida tarixga kiradi.
Tramp hozircha Bayden g'alabasiga munosabat bildirmagan.