AQShda Kongress uchun oraliq saylovlar yaqinlashar ekan, tashqi kuchlarning saylovga ta’sir o’tkazishi yuzasidan yangi xavotirlar o’rtaga chiqmoqda.
Razvedka bo’yicha tahlilchi Brayn Listonning taʼkidlashicha, 2022-yil davomida ijtimoiy tarmoqlarda Rossiyada ochilgani taxmin qilinadigan ko’plab sahifalarda deyarli hech qanday harakat kuzatilmagan.
Ammo avgust oyida AQShda oraliq saylovlar munosabati bilan siyosiy jarayon faollashishi ortidan bu sahifalarda ham jonlanish kuzatilgan.
“Biz bu profillar yana harakatga tushganini ko'rdik. Ular saylovda firibgarliklar yuz berishi yoki saylovlar soxta bo'lishi haqida ko’p gapirishadi. Demokratlar saylovni o‘g‘irlashga urinmoqda, degan gaplarni eshitasiz”, - deydi Liston.
Liston kiberxavfsizlik bo'yicha ekspertlar, davlat idoralari va boshqa tadqiqotchilarni o’z ichiga oluvchi tarmoq a’zosi. Ular ijtimoiy tarmoqlar, veb-saytlar, davlat ommaviy axborot vositalari va huquq-tartibot idoralari ma’lumotlarini kuzatib, Rossiya, Xitoy va Eron kabi davlatlardan bo’ladigan dezinformatsion tahdidlarni aniqlaydi.
Your browser doesn’t support HTML5
AQSh siyosatchilari saylovoldi zo’ravonlikni qoralamoqda
Rossiyalik guruhlar saylov tizimiga ishonish mumkin emas, degan fikrni ijtimoiy tarmoqlar orqali singdirishga urinishadi, deydi Liston.
Xitoyliklar esa, deydi u, ovoz berish tizimiga oid xavotirlar ko’payganini Amerika demokratiyasi ishlamayotganining belgisi sifatida ko’rsatmoqda.
“Ular saylovga oid firibgarliklar haqida gapirar ekan, saylov kuni kelganda saylov uchastkalari xodimlariga qarshi qandaydir zo'ravonlik yoki tahdid qilishga undovchi chaqiriqlarni kuchaytirishlaridan xavotirdamiz. Ularni yaqindan kuzatib boryapmiz”, - deydi Liston.
Ikki yil oldingi prezidentlik saylovlarida bir qator shtatlarda saylov firibgarliklari yuz bergani haqida da’volar chiqdi. Ular orasida Arizona ham bor. Bu yerda ovozlar qayta saylangach, Jo Baydenning g'alabasi tasdiqlandi. Ko'plab Donald Tramp tarafdorlari hanuz saylov undan o'g'irlanganini aytishda davom etmoqda. Ular orasida Arizona gubernatorligiga nomzod respublikachi Kari Leyk ham bor.
Buni ham ko'ring Migratsiya va immigratsiya - AQSh saylovidagi muhim mavzularArizonalik saylovchi Miriam Mitchellning aytishicha, xavf ostida turgan narsa Kongressdagi nazorat emas, balki demokratiyadir.
“Ba’zida g‘alaba qozonamiz, gohida yutqazamiz. Gohida g‘alaba qozona olmasak, mash’alani ikkinchi tomonga tutqazishimiz kerak. Amerikaning buyukligi shunda, bu bizning demokratik jarayonimiz. Biz uni saqlab qolishimiz kerak”, - deydi saylovchi.