NASAning bildirishicha, Qo'shma Shtatlar bir kun kelib Xitoy bilan kosmosda birga ishlay boshlashi mumkin. Xuddi 1975-yilda AQSh va sovetlar Apollon-Soyuz loyihasi ustida hamkorlik qilgani kabi.
AQSh Fazoviy tadqiqotlar agentligi rahbari Charlz Bolden shunday taklif bilan chiqdi.
Bugungi qonunlar NASAga Xitoy bilan hamkorlikni man qiladi. Sabab - kommunistik mamlakat bundan josuslik maqsadlarida foydalanishi, o'z harbiy salohiyatini oshirishi, davlat sirlarini o'g'irlashi mumkin, degan xavotir bor. Lekin joriy yilda Pekinga borishi kutilayotgan Bolden so'zlariga ko'ra, Kongress mavjud qonunlarni o'zgartirishi kerak.
Bir-birimizning fazoviy, texnologik yutuqlarimizdan nusxa ko'chirib, nuqul bir xil loyihalarga kuch sarflamasdan, birga ishlashimiz kerak, deydi u.
Tahlilchi Piter Xuessi tuzatishga qarshi emas, lekin shoshilib xursandchilikka berilmaslik lozim, deydi.
"Xitoyga kelganda biz juda katta niyatlar qila boshlaymiz", - deydi u. "Bu davlatning ichki hujjatlari va strategik dokumentlarida Amerika raqib, dushman sifatida ta'riflanishini esdan chiqarmaylik", - deydi mutaxassis.
Pekin hozir harbiy salohiyatini oshirish bilan band va shu bois Kapitoliyda Xitoy bilan fazoviy hamkorlikka qo'yilgan taqiqni olib tashlash haqida ko'p eshitmaysiz.
Your browser doesn’t support HTML5
Yangi fazoviy kemalar
Your browser doesn’t support HTML5
NASA: besh yangi yo'ldoshning ko'zi Yerda