Nyu-York meri Maykl Blumbergning bildirishicha, pochta binosi, politsiya avtomashinalari hamda Iroq va Afg’onistondan qaytgan askarlarga hujum uyushtirishni rejalashtirganlikda ayblanib bir kishi hibsga olingan.
27 yoshli Xose Pimentel Al-Qoida terror tashkiloti tarafdori, lekin yakka holda harakat qilgan, dedi yakshanba kuni jurnalistlar bilan uchrashgan Blumberg.
Nyu-York politsiyasi boshlig'i Reymond Kellining ma’lum qilishicha, uchta bomba yasashni boshlab qo'ygan Pimentel shanba kuni hibsga olingan. Unga terrorchilik maqsadida bomba yasash va zo’ravonlik sodir etishga urinish ayblari qo’yilgan.
AQSh fuqarosi Pimentel Dominikan respublikasida tug’ilgan, lekin asosan Nyu-Yorkda yashagan. Rasmiylarning bildirishicha, u islom dinini qabul qilib ismini Usama Husaynga o’zgartirmoqchi bo’lgan.