Tojikiston shimolidagi Xo'jand shahrida bomba solingan mashina Ichki ishlar vazirligining uyushgan jinoyatchilikka qarshi kurash bo'yicha bo'limi binosiga urilib, bir militsioner o'lgan, kamida 25 kishi jarohat olgan. Portlashdan bino alanga olgan. Xuruj kimning ishi ekani noma'lum, biroq vazirlik xodimlari O'zbekiston Islomiy Harakatini gumon qilmoqda.
Tojikiston prezidenti Emomali Rahmon Xavfsizlik kengashi raisi Amirqul Azimovni voqeani taftish qilish guruhiga rahbar etib tayinlagan. Yaqinda poytaxt Dushanbedagi Davlat xavfsizlik qo'mitasi qamoqxonasidan islomiy jangarilik aybi bilan qamalgan 25 kishi qo'riqchilarni o'ldirib, qochgan edi.
Chorshanba kuni AQSh davlat kotibining Janubiy va Markaziy Osiyo masalalari bo'yicha yordamchisi Robert Bleyk Dushanbeda bo'lib, prezident Emomali Rahmon bilan uchrashgan. Uning aytishicha, ikki davlat ekstremizmga qarshi kurashda yaqindan hamkorlik qiladi.
Tashrif chog'ida bir yilda ikki marta o'tkaziladigan ikki tomonlama konsultativ uchrashuvlarda kelishilgan masalalar samarasi muhokama etilgan. Bleykning aytishicha, Qo'shma Shtatlarning Tojikistonda harbiy baza ochish rejasi yo'q.
O'zbekiston-Tojikiston munosabatlariga to'xtalar ekan, Davlat departamenti ramiysi har ikki davlat AQShga do'st va hamkor ekanini aytib, o'rtadagi munozarali masalalar, jumladan Rog'un GESi bo'yicha, muloqot orqali hal etilishi kerak, degan.
Xo'jandda xuruj. Rasmiylar O'zbekiston Islomiy harakatidan gumonda
Xo'jandda xuruj. Rasmiylar O'zbekiston Islomiy harakatidan gumonda
Bomba solingan mashina Ichki ishlar vazirligining uyushgan jinoyatchilikka qarshi kurash bo'yicha bo'limi binosiga urilib, bir militsioner o'lgan, kamida 25 kishi jarohat olgan.