Learning English
VOA
site logo site logo
Oldingi Keyingi
Breaking News
AQSh-Markaziy Osiyo

Amerika O'zbekiston elchixonasi bilan tanishdi

O'zbekiston elchixonasi, Vashington
Embed
O'zbekiston elchixonasi, Vashington

No media source currently available

0:00 0:23:34 0:00
Yuklab oling

O'zbekiston elchixonasida, Vashington

VASHINGTON — 

Vashingtonda 200 ga yaqin elchixona bor. O'zbekiston elchixonasi AQSh poytaxtining markaziy ko'chalaridan biri - Massachussetts avenyusida joylashgan. Bu yerni "elchixonalar qatori" deyishadi, chunki ko'plab diplomatik vakolatxonalarga makon. 5-may kuni barcha elchixonalar oddiy ommaga o'z eshigini ochdi.

Passport DC dasturi asosida Vashingtondagi elchixonalarda madaniy turizm targ'ib qilinadi. Diplomatik vakolatxonalar - davlatning chet eldagi yuzi.

Kun bo'yi O'zbekiston elchixonasiga 10 mingga yaqin mehmon kelib ketdi. Elchi Javlon Vahobovning "Amerika Ovozi"ga aytishicha, soat 10 dan 13:30 ga qadar 6 ming kishi qadam ranjida qildi.

"Asosiy maqsad O'zbekistonni tanishtirish - mamlakatda kechayotgan o'zgarishlar, bugungi vaziyat, shuningdek, yurtimiz madaniyati va tarixi haqida ma'lumot berish", - deydi O'zbekistonning AQShdagi elchisi.

Diplomat deydiki, bu yili dunyoning bu chekkasidan respublikaga sayyoh sifatida borayotganlar sonini 10 mingga yetkazish ko'zlangan.

Mehmonlar O'zbekiston elchixonasini aylanar ekan, to'rt qavatli serhasham imoratning bir asrlik tarixi bilan tanishdi.

"Bunday elchixonaga ega bo'lish biz uchun katta g'urur, katta faxr", - deydi elchi Vahobov.

1909-yilda qurilgan qasrsimon bino egasi Klerens Mur, ko'mir sanoatida mol-dunyo orttirgan zodagonlardan biri, bo'lgan. 1912-yilda u Titanik kemasida Yevropadan vatanga qaytayotganda okeanda cho'kib halok bo'lgan.

Oila 1927-yilda bu binoni Kanada hukumatiga sotgan. 1993-yilda O'zbekiston uni xarid qilgan. Bugungi kunda bu imorat taxminan 15-20 million dollar orasida baholanadi.

Elchixonaning ichki ko'rinishi 16-18 asrga xos ingliz va fransuz me'morchiligini aks ettiradi. Yog'ochdan ishlangan naqshinkor devorlar, rangli oynalar, aylana zinalar, bahaybat kaminlarni ko'rasiz. Tadbirlar uchun mo'ljallangan zallarda o'zbekona nafis san'at namunalari osilgan. Elchixona g'arb va sharq durdonalarini ko'z-ko'z qiladi.

Odatda elchixonalar kuchli xavfsizlik choralari ostida faoliyat yuritadi. Ochiq eshiklar kuni oddiy amerikaliklar va vatandoshlar uchun diplomatik vakolatxonani ko'zdan kechirish imkoniyatidir.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

  • 16x9 Image

    Shohruh Hamro

    Shohruh Hamro xalqaro masalalarni yoritadi. Diktor, prodyuser va muxbir. 

Facebook Forum

Shu mavzuda

Back to top
XS
SM
MD
LG