Mirziyoyev muddatini "nollashtirish kun tartibida emas"

O’zbekistonda yangi konstitutsiya loyihasi haqida gap ketganda, prezident muddatining o’zgartirilayotgani xalqaro maydonda va ijtimoiy tarmoqlarda qizg’in mavzu. Bu hafta AQShda muloqotlar olib borgan yuqori darajali delegatsiya a’zolariga ko’ra, yangi konstitutsiya Prezident Shavkat Mirziyoyevning ikki muddatini nollashtirib, unga hokimiyatda qolish uchun imkoniyat yaratishi mumkinligi kun tartibidagi masala emas. Toshkentda bu haqda gap yo’q, deydi Vashingtonda “Amerika Ovozi” bilan suhbatlashgan Eldor Tulyakov, “Taraqqiyot strategiyasi” markazi rahbari. 30-aprel kungi referendum oldidan mamlakatda muhit va kayfiyat qanday? O’zbekiston qachon erkin jamiyatga aylanadi? Tulyakov bu boradagi savollarga ham javob berdi.