Bugun Toshkentda jinoyat ishlari bo‘yicha Mirobod tuman sudida 33 yoshli bloger Abduqodir Mo‘minov, “Oynaga qarang” firmasi rahbari, O'zbekiston jinoyat kodeksining 141-1-moddasi (shaxsiy hayot daxlsizligini buzish) 2-qismi “a” bandi, 165-moddasi (tovlamachilik) 3-qismi “a” bandi, 168-moddasi (firibgarlik) 4-qismi “a” bandi, 189-moddasi (savdo yoki xizmat ko‘rsatish qoidalarini buzish) 1-qismi va 28,211-moddasi (pora berishda ishtirokchilik) 3-qismi “a” bandida nazarda tutilgan jinoyatlarni sodir etganlikda aybdor deb topilib, 3 yilga jurnalistik (blogerlik) faoliyati bilan shug‘ullanish huquqidan mahrum qilindi. Mo'minovga 7 yil 3 oy qamoq jazosi tayinlandi. Uni umumiy tartibli koloniyada o‘tash belgilangan. Mo‘minov jabrlanuvchilarga yetkazilgan moddiy va ma’naviy zararni ham to'lashi kerak. Oilasi hukm ustidan yuqori sudga arz qilishga bel bog'lagan.