Britaniya Liviya rahbari Muammar Qaddafiyga sodiq barcha diplomatlarni mamlakatdan haydab, muxolif muvaqqat kengashni tan olgan.
Tashqi ishlar vaziri Uilyam Xeygning aytishicha, Liviyada isyonchilarning obro'si oshmoqda, nazorati ostidagi hududlarni to'g'ri boshqaryapti.
"Bundan keyin muvaqqat kengash bilan rasmiy aloqada bo'lamiz", - deydi Britaniya vaziri.
Shu kungacha 30 dan ziyod davlat kengashni Liviyaning yagona hukumati sifatida tan olgan.
Uilyam Xeyg Qaddafiy hukumatini zulmda ayblar ekan, NATO havo hujumlarini yoqlab, buning oqibatida Liviyada minglab odamlarning hayoti saqlab qolindi, deydi.
Britaniya, shuningdek, Liviya hukumatiga tegishli 149 million dollarni muxolif kengashga o'tkazishini aytgan. Pul muzlatilgan edi.
Britaniya Qaddafiy diplomatlarini haydab, muvaqqat kengashni tan olgan
- Amerika Ovozi
