Learning English
VOA
site logo site logo
Oldingi Keyingi
Breaking News
AQSh-Markaziy Osiyo

AQSh: Koronavirusga qarshi kurashda Markaziy Osiyo bilan birgamiz

Morgan Ortagus, AQSh Davlat departamenti so'zlovchisi
Morgan Ortagus, AQSh Davlat departamenti so'zlovchisi
VASHINGTON — 

Dunyo ahli koronavirusga qarshi kurashda. AQSh - bu kasallik eng keng quloch yozgan mamlakat. Virusni yuqtirganlar daqiqa sayin ko'payib bormoqda. Markaziy Osiyoda 28-martga qadar Qozog'iston, O'zbekiston va Qirg'izistonda rasman qariyb 250 holat qayd etilgan. O'lganlar kamida uch nafar.

Toshkent, qolaversa, Nursulton va Bishkek koronavirusni yengish uchun Xitoy modelini qo'llashga qaror qilgan. Pekin va boshqa shaharlardan ekspertlar va mutasaddilardan maslahat olinmoqda. Vashington esa mintaqaga bu pandemiyaga qarshi yordamga tayyor ekanini eslatmoqda. Davlat departamenti so'zlovchisi Morgan Ortagus "Amerika Ovozi" bilan suhbatda deydiki, hozirgacha regionga 4,3 million dollarlik ko'mak ko'rsatildi. Bu yordam asosan tibbiy va texnik vosita va anjomlardan iborat.

Navbahor Imamova, "Amerika Ovozi": Koronavirusga nisbatan chora ko'rishda Davlat departamenti Markaziy Osiyo bilan aynan qay shaklda ishlamoqda?

Morgan Ortagus, Davlat departamenti: Qo'shma Shtatlar - sog'likni saqlash borasida dunyoda eng ko'p tashqi yordam ko'rsatadigan davlat. Hozirgacha 4,3 million dollar ko'mak uzatdik, xususan shaxsiy himoya vositalari, niqoblar, masalan, va boshqa ashyolar. Pandemiyaga qarshi birgalikda ishlaymiz, bu aniq.

Navbahor Imamova, "Amerika Ovozi": Markaziy Osiyo davlatlarining AQShdagi elchixonalari va AQShning mintaqadagi elchixonalari hozirgi qiyin paytda fuqarolar og'irini yengil qilish uchun qanchalik hamkorlik qilmoqda?

Morgan Ortagus, Davlat departamenti: Bu hafta biz koronavirusga nisbatan dunyo bo'ylab chora ko'rishda yordamlashish uchun moliyani oshirdik. Ayni damda 274 million dollarga chiqdi. Maslahatlashayapmiz, vaziyatni o'rganayapmiz va bir yoqadan bosh chiqaramiz. O'tgan bir necha hafta mobaynida Markaziy Osiyo mamlakatlaridagi amerikaliklarni vatanga qaytarish ustida ishladik. Fuqarolarimiz xavfsizligi va salomatligi biz uchun, Davlat kotibimiz Pompeo uchun eng muhim masala. Markaziy Osiyo davlatlari bu borada biz bilan ishlayotganidan minnatdormiz. Ular biz bilan bu masalada hamfikr.

Hozirgacha 10 mingdan oshiq amerikalik dunyoning turli burchaklaridan yurtimizga qaytdi. Markaziy Osiyoda qolganlar bo'yicha ishlayapmiz. Bu orada vaksina va muolaja turlari yuzasidan ham qattiq harakat ketmoqda. Nimaiki samara bersa, mintaqa bilan bo'lishamiz, albatta. Markaziy Osiyo ham ajoyib g'oya va takliflar makoni. Amerika ham shunday. Xitoydan chiqqan bu kasallik va ildizi bu mamlakatga borib taqaladigan kasallikni yengish uchun birga ishlaymiz, birga bosh qotiramiz.

Navbahor Imamova, "Amerika Ovozi": Lekin qanday strategiya asosida? Pandemiyaga qarshi aynan qanday choralarni qo'llamoqchisiz, Markaziy Osiyo bilan hamkorlik qilar ekansiz?

Morgan Ortagus, Davlat departamenti: Yaqinda, bilasiz, Markaziy Osiyoga borib keldik. Davlat kotibi Pompeo bilan safar qildik va mintaqaga nisbatan strategiyamizni ham yangiladik. Biroq u paytda koronavirus hozirgi ko'lamda emas edi, e'tiborimiz markazida emas edi. Lekin bir narsa aniq: Markaziy Osiyoga nisbatan strategiyamizga xalqaro tahdidlarga qarshi birga kurashish kiradi. Koronavirus pandemiyasi - endi mana shu tahdidlardan biri. Demak, har ikki tomon uchun birdek dolzarb muammoni birga hal qilmasak bo'lmaydi.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

Back to top
XS
SM
MD
LG