Qirg'izistonda bugun prezident saylovlari. Ovoz berish markazlari mahalliy vaqt bilan 8:00 da ochildi va 19:00 da eshigini yopadi.
5,3 million aholiga ega mamlakatda o'ziga yarasha xavotir va hayajon hukmron. Jarayon tinch o'tsin va yangi prezidentni xotirjamlikda saylab olaylik, deydi ovoz berayotgan fuqarolar.
Qirg’iziston Markaziy Saylov Komissiyasining bildirishicha, mamlakat bugungi muhim voqeaga yaxshi tayyorlandi va jarayon silliq kechishi kerak. Uni yuzlab xorijiy va mahalliy mutaxassislar kuzatmoqda.
Janubiy viloyatlarda xavfsizlik choralari kuchaytirilgan. Saylovoldi jarayonlarda notinchlik kuzatilmagan, biroq xalq orasida saylovdan so’ng yana nizolar yuzaga chiqishi mumkin degan xavotir bor.
O'shdan sobiq deputat Bo’riboy Jo’rayev saylov jarayoni va istiqbol borasida “Amerika Ovozi” muxbiri Ulug'bek Sokin bilan suhbatlashdi. Marhamat, tinglang.
