Qirg'iziston Markaziy saylov komissiyasining bildirishicha, 30-oktarbda o'tgan prezidentlik saylovida eng ko'p ovoz Olmosbek Otamboyevga berilgan - 63,24 foiz.
Bu yakuniy natija emas va Otamboyev hali rasman g'olib deb e'lon qilinmagan, ammo yuqoridagi raqam uning navbatdagi prezident ekanini ko'rsatib turibdi.
Otamboyev qatorida bu lavozim uchun yana 15 kishi kurashdi:
Аdaxon Madumarov - 14,77
Qamchibek Tashiyev - 14,32
Temurbek Asanbekov - 0,93
Umurbek Suvonaliyev - 0,87
Тursunboy Bakir o'g'li - 0,84
Kubatbek Баybolov - 0,83
Аnorbek Каlmatov - 0,73
Аrstanbek Аdbildayev - 0,47
Маrат Imankulov - 0,31
Кuvonishbek Isabекоv - 0,18
Kurmanbek Osmonov - 0,13
Аkbarali Aytikeyev - 0,11
Тo'raboy Kolubayev - 0,1
Soranboy Dehqonov - 0,07
Olmosbek Karimov - 0,07.
Qirg'iziston parlamenti raisi Ahmatbek Keldibekov bugun nomzodlar bilan muloqot qilib, ularni murosaga va Otamboyevni g'olib deb tan olishga undagan.
Uchrashuvda Otamboyev qatnashmagan, lekin parlamentning bildirishicha, da'vogarlar yurt kelajagini hamma narsadan ustun qo'yib, qonunga bosh egishga rozi.
Lekin saylov jarayonida yo'l qo'yilgan xatolar va qonunbuzarliklar tekshirilishi, javobgarlar jazolanishi va tizim oshkora ishlashi uchun chora ko'rilishi lozim.
Markaziy saylov komissiyasi yakuniy hisobot bergach, amaldagi vazirlar iste'foga chiqadi va Qirg'izistonda yangi hukumat tuziladi.
Parlament spikeri Keldibekovning aytishicha, koalitsion hokimiyat vujudga keladi, ya'ni qonunchilik organiga saylangan turli partiya a'zolaridan iborat boshqaruv.
Roza Otunbayeva yil oxirida prezidentlikni yangi saylangan arbobga topshiradi.
