Muammar Qaddafiyni televizorga chiqishdan va shu tariqa "omma ongini zaharlash imkoniyatidan mahrum qilish uchun" NATO bugun Tripolidagi sun’iy yo’ldosh antennalarini nishonga olgan.
Ular vayron qilindi, deya bildiradi alyans mabuot kotibi, polkovnik Roland Lavoy.
Lekin Liviya davlat telekanali hamon efirda.
NATO hujumlarni boshlaganiga to’rt oy bo’ldi.
Bugungacha Liviyaning katta qismi, muhim obyekt va markazlar portlatilgan, yo’q qilingan.
Ammo Muammar Qaddafiy hamon hokimiyatda.
NATO a’zolari u yaqin orada ketishga majbur bo’ladi deya ishonch bildirmoqda.
Biroq qariyb 42 yillik rahbar xalqiga tez-tez murojaat qilib, “O’lgunimcha shu yerdaman” deya ommadan G’arbga qarshi turishni so’ramoqda.
Liviya Muvaqqat milliy kengashi, Qaddafiyga qarshi taraf, NATO va xalqaro hamjamiyat duosi va moliyaviy yordamini olib, janglarni davom ettirmoqda.
“Muammar Qaddafiy ketadi va biz demokratik davlat barpo etamiz”, - deydi Mustafo Abdul Jalil, kengash raisi.
