“Yerda bir kun” … dunyoning har bir mamlakatida bir kun ichida ro’y bergan voqealarni tasvirlovchi hujjatli filmdir. Uning premyerasi 170 davlatda, jumladan O’zbekistonda, Yoshlar ijodi saroyida bo’lib o’tadi. Kirish bepul.
2008-yilda boshlangan loyiha – insoniyat hayoti va kechinmalaridan bir lahza. Yerning qay bir nuqtasida bo’lmaylik, bir-birimizga yaqinmiz, bog’langanmiz, degan g’oyani olg’a suradi.
Film 15 ming kishi o’z mamlakatidan, o’z mahallasidan yuborgan jami 3 ming soatlik video tasvirlar asosida yaratilgan. Eslatib o’tamiz, asar premyerasi dushanba kuni Toshkentda, Yoshlar ijodi saroyida bo’lib o’tadi.
