Pokistonda armiya Afg’oniston bilan chegarada toliblarga qarshi havo hujumlari olib borib, “kamida 48 terroristni o’ldirdik”, deya bayon qilmoqda.
Xaybar dovoni va Shimoliy Vaziriston mintaqasiga qiruvchi samolyotlar va jangovar vertolyotlar safarbar etilgan. Bu hududlarda qabilaviy tuzum hukmron.
Hujumlarda olti fuqaro, jumladan ikki muallima va ikki o’quvchi o’lgan.
Asosiy nishon Shimoliy Vaziristondagi qo’rg’onlar, deydi harbiylar. Tolibon joylashib olgan makonlar tog’lar orasida va ularni yo’q qilish uchun kuchli texnika kerak.
Jangarilarga qarshi harakatlarning yangi to’lqini iyun oyida boshlangan edi. Shu kungacha 600 dan oshiq tolib yo’q qilingan, 40 askar halok bo’lgan. O’lgan ekstremistlar orasida ajnabiylar, xususan markaziy osiyoliklar ham ko’pligi aytiladi.
