Birlashgan Millatlar Tashkiloti Suriyada tomonlarni qurol tashlab, hujumlarni to’xtatishga undar ekan, bugun shimoliy shahar Aleppoda bomba portlab, besh kishi halok bo’lgan.
Poytaxt Damashqning ikki joyida ham shunday xurujlar kuzatilgan. Politsiyachilar nishonga olingan. Jarohat olganlar bor, lekin hech kim o’lmagan.
Hukumat bu hujumlarda muxolif kuchlarni, prezident Bashar al-Assad so’zi bilan aytganda “terrorchilarni” ayblamoqda.
BMT kuzatuvchilari vaziyatni o’rganib, hukumat rozi bo’lgan sulh shartlariga qanday amal qilinayotganini tekshirishga harakat qilmoqda. Janglar tinmagan.
2011-yilning martida boshlangan qo’zg’olon va uni bostirish uchun ko’rilgan harbiy choralar oqibatida bugungacha 9000 dan oshiq odam o’ldi. Ulardan 2600 dan ziyodi askarlar. Minglab harbiylar qo’zg’olonchilar tomoniga o’tib ketgan.
Idlib, Dar va Himsda hukumatga qarshi namoyishlar davom etmoqda.
Bugungi portlashlardan keyingi manzara:
