Falastin bilan muzokara sust, Isroil yangi uylar qurmoqchi
Amerika Ovozi
Nablus, G'arbiy sohil
Falastin bilan muzokara sust, Isroil yangi uylar qurmoqchi
Isroil G’arbiy sohil va Sharqiy Quddusda yahudiylar uchun 1400 yangi imorat qurish rejasini e’lon qildi.
Yaqin Sharq tinchlik muzokaralari shundoq ham arang turgan bir paytda bu qaror falastinliklarga yoqmasligi aniq.
Isroil hukumatining bildirishicha, 800 dona uy G’arbiy sohilda, 600 tasida Sharqiy Quddusda qad ko’taradi. Mazkur hududlarni Isroil 1967-yilda bosib olgan.
Bosh vazir Benyamin Netanyaxu yaqinda falastinlik mahbuslarni ozod qilib, Isroil jamoatchiligini norozi qilgan edi. Hukumat yangi uylar qurib, odamlarni tinchlantirmoqchi.
Amerika davlat kotibi Jon Kerri vositachiligida o’tgan oy falastinlik 26 mahbus qo’yib yuborilgan.
AQSh diplomati mintaqaga safarini yakunlagani zahoti Isroil yangi mahallalar haqidagi rejasini e’lon qildi.
Falastin rasmiylari tinchlik muzokarasini tark etishi, Isroilga qarshi qonuniy chora ko’rishi haqida ogohlantirayapti.
Falastinliklar G’arbiy sohil va Sharqiy Quddusni bo’lg’usi davlati uchun mo’ljallab keladi.
Photo Gallery:
BMT Bosh Assambleyasi Falastinni davlat sifatida tan oldi
193 a'zodan 138 tasi taklifni yoqlagan. Amerika va Isroil qarshi ovoz bergan. Ular nazarida Falastin avvalo yahudiy davlat bilan ko'plab masalalarda kelishib olishi lozim. BMTdagi ovoz bilan tinchlikka erishilmaydi, deydi Xillari Klinton, AQSh Davlat kotibasi. Falastin rahbari Mahmud Abbos esa "xalqim o'z davlatiga ega bo'lmas ekan, uning haq-huquqlari poymol etilaveradi", deydi.
Amerika Ovozi
"Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.
