Amerika rahbari Barak Obama kutilmaganda Afg'onistonga bordi. Yil oxirigacha qo'shinlar bu mamlakatni butkul tark etadi. Urush tugayapti, Afg'oniston tarixida yangi sahifa ochiladi, AQSh yordamni to'xtatmaydi, ammo xavfsizlik va taraqqiyotni ta'minlash endi afg'onlarning o'z qo'lida, deydi Obama. Safardan maqsad, deydi u Kobul yaqinidagi Bagrom aviabazasida askarlar oldida so'zlar ekan, urush faxriylari kuni munosasbati bilan zobitlarga minnatdorchilik bildirish va afg'on xalqiga uni quvvatlashimizni izhor etish.
